麥麥送訂單要求外賣員入屋三鞠躬　網民鬧爆：玩到冇嘢好玩

香港地搵食艱難，做外賣員不但要日曬雨淋，有時還要應付客人提出的「特別要求」！繼日前網上流傳一張麥當勞「麥麥送」單據，聲稱外賣樓層疑似有鬼，提醒外賣員自攜護身符後，昨日（20日）又傳出另一張奇怪訂單，竟要求外賣員入屋「三鞠躬」及取香爐錢。不少網民都質疑是惡作劇，大罵「玩到冇嘢好玩」，又批評做法不尊重。

有網民在facebook「巴士的事討論區」上載一張麥當勞外賣單據，只見該訂餐是在昨凌晨1時許下單，送往黃竹坑區。單據上有一項特別要求寫着「先進門，放下餐點，三鞠躬，取香爐邊的錢，謝謝」，不禁令人想起靈堂的場面。

不少網民都質疑是「玩嘢」，像故意寫出來嚇人，「嚇都嚇死，一陣去到入面全部都唔係人」，批評下單者「玩到冇嘢好玩」，又指「唔尊重別人嘅人人格層次非常低」。另有人稱「做麥記真慘」，最怕到時沒錢收，又認為對付這些訂單，倒不如直接已讀不回。