老鼠都識搭順風車？車頭玻璃突見老鼠探頭探腦　網民：收佢車錢啦

本港近來鼠患嚴重，食肆、後巷等都有老鼠足跡，就連私家車擋風玻璃都冒出一隻老鼠！有網民昨晚（18日）在facebook群組「Tai Po 大埔」上載影片，顯示一隻老鼠在私家車行車時，突然在車頭蓋探頭張望，嚇了女司機和乘客一跳。影片引起熱議，不少網民都驚嘆「老鼠都識搭順風車」，亦有人建議「收佢車錢啦」。

有網民在大埔群組上載片段，指昨晚有隻老鼠坐順風車，「行少好多路」，大讚老鼠聰明。從影片可見，一隻灰黑色老鼠在車頭擋風玻璃及車頭蓋中間探頭探腦，司機和乘客討論應怎樣處理。有人懷疑老鼠一早已匿藏在車頭蓋內，亦有人大呼「佢喺我前面嗰度，點算呀」，另有乘客稱似這隻老鼠的樣子較像倉鼠。

其後有乘客則建議在附近避車處停下，「你停咗佢走㗎啦」。當車子開快一點時，老鼠即縮回車頭蓋內，「你愈開得快佢就愈唔夠膽出嚟㗎喇」，故有人提出開慢一點，亦有人獻計稱用水撥趕走牠，但被司機一口拒絕，「整污糟晒我架車，夾扁晒佢啲腦汁肉醬」。最後老鼠爬上車頂後就不知所蹤。

影片上傳群組引起熱議，不少網民都指那隻老鼠「好鬼正」，「伸出嚟又縮入去，望下班女仔」，又有人讚好可愛，「隻耳仔好治癒」，亦有人叫司機要「收佢車錢」；但有人則提醒司機應找人檢查一下，「小心老鼠咬斷車入面啲電線」。