連登仔搭西鐵飲水　被老人提示不准飲食　網民不同意：飲水係人權

搭港鐵要注意的事愈來愈多，不單關愛座要小心坐，搭車時飲啖水都會惹來風波。有連登仔發帖指昨搭港鐵時口渴，「打開水樽飲咗兩啖清水」後被一位老人拍膊頭，指示他港鐵上不准飲食，令他勃然大怒，發帖狠批老人。
帖文引來網民熱論港鐵能否喝水，有人直指港鐵早表明站內不得飲食，因飲水被發警告早有先例；但亦有網民指港鐵條例並不合理，認為飲水是基本人權不應剝奪，嘲諷「即係想飲水要舉手問問職員」。

樓主指昨日約下午4時乘搭西鐵，上車後感到口渴，故「打開水樽飲咗兩啖清水」。怎料過了兩個站後，鄰座老人臨落車時突然拍一拍樓主，指一指「不准飲食」的宣傳牌後便離去。樓主無名火起，認為當日酷熱天氣警告生效，飲水應是人之常情，指「地鐵係X街會捉人飲水」，惟老人並非職員不應多管閒事。

帖文旋即引起熱議，有網民就「不准飲食包唔包括飲水？」提出疑問，引來激辯，有人留言認為老人做法並無問題，只是輕拍提醒並非指罵，「講明不准飲食，X飲水又唔得」。

有網民亦以早年新聞為例，指早於2015年時已發生過類似事件，有人因在荔枝角站內飲水，被港鐵發出違反香港鐵路附例警告通知書，再犯可被罰款2000元，認為「唔係清唔清水問題」，若每人手持非透明水樽飲透明飲品，只會造成執法混亂，只因「好難判斷係咪真係清水定透明飲品」。

另外有留言質疑附例中「beverage」一字在英文定義上並不包括清水，認為飲水並無問題；惟有人則指出港鐵已曾清楚解釋禁止飲食條文的定義包括清水，亦有在上年提出修訂附例時強調不准飲食的條文依舊，如乘客因身體不適等原因需要飲水，可向港鐵職員求助。

不過有網民認為縱條例有清楚指引禁止飲水，惟背後意義卻是無理，指擔心水會弄濕車廂是無稽之談，「落雨你成個車廂都係水啦，你禁埋帶遮啦不如」；有人則以其他國家為例，指倫敦地鐵甚至出指示及海報提醒乘客天氣炎熱，鼓勵他們多飲清水；而日本人甚至在地鐵上食飯都無人理會，一切都只是自律與否的問題。

亦有人留言指出飲水是基本人權，加上附例以英文作準，而「beverage」一字在英文定義上的確不包括清水，港鐵無權自行解釋及改變定義，認為若禁止飲水則是違反人權，嘲諷「即係想飲水要舉手問問職員，咁班職員一定好忙啦」。

（連登討論區）