不忿打尖被捉到正　男乘客斥車長「成世揸巴士」　反被一句K.O.

插隊上巴士破壞規矩，本已是無品行為，巴士司機出言阻止亦實屬正常，不過竟然有人還可理直氣壯反斥司機，行為令人側目。有網民於facebook群組「巴士的事討論區」分享短片，片中可見一名男子打尖上車後被司機叫他排隊，他開頭辯稱「睇唔到啊嘛」，其後便站在一旁讓他人先行上車。中途男子再次不甘被司機舉證，遂發惡責罵司機「成世揸巴士啦你」，司機則只冷靜回應「咁你成世搭巴士啦」，影片曝光隨即引起網民熱議。

據網民上載的車cam片段可見，巴士駛至「紅磡海底隧道」一站時有多人排隊，一名穿紫色衫的男子緊接第一位乘客急步上車，但當他嘟完八達通後，卻被心水清的司機直斥他插隊，又要求他「落翻去畀人上咗先啊嘛」。紫衫男解釋自己「唔知，睇唔到」有人排隊，司機卻反駁他「你排緊另一條隊喎……你呢啲叫扮睇唔到，擺明喺116（另一條隊）到衝過嚟」。

此時紫衫男站在車門旁讓他人先行上車，期間承認自己是「跳過嚟嘅」，惟仍一直堅持自己只是未有留意人龍，並非司機所說般打尖。司機指他「打尖又阻住人地」，紫衫男馬上表示「我等人上晒揀晒位先上」。

正當其他候車乘客接近上完車，司機準備開車之際，紫衫男突然發惡，再度強調自己「以為無人上啫，唔係有心打尖嘅，咁我而家做翻自己要負嘅責任啊」，並責罵司機「你滿意未啊巴士佬」，「成世揸巴士啦你」。

司機反而冷靜地回應紫衫男指「咁你成世搭巴士啦，我成世揸無問題啊，有人工出」，並批評男子「打人尖仲聲大夾惡」；紫衫男聽後惡言相向，指「你拉x我啊而家」，更拿出手機拍低司機樣貌，「影低下你幾x靚仔」，最後司機只簡單表示自己亦有車cam作證明後便繼續行車。

事件引起網民熱議，留言大讚司機做法正確，亦大罵紫衫男行為缺德，「自己有錯反對他人發難」，「車長好嘢」，「詐傻扮懵睇唔到，咁大個人都唔知衰」，「做人點解可以咁無賴」；惟同時亦有人批評巴士司機做法，指他一開始便語氣囂張才令紫衫男動氣，更認為「呢種巴士佬一定要炒」。

（facebook群組「巴士的事討論區」）