【世界盃】冇冷氣照睇 大埔HKT變圍爐區 網民激讚氣氛超正
撰文：夏洛特
出版：更新：
昨晚世界盃賽事先後送走了阿根廷隊長美斯與葡萄牙隊長C朗，當今兩大球王同晚出局，無緣在8強會師，難免令球迷惋惜，在外收看直播球賽的亦不例外。有網民昨晚途經大埔昌運中心附近時，發現10多個球迷圍在一個小電視機前睇波，當見到愛隊落後時，更會起哄「一齊嗌一齊X」，令他深感「圍埋一班三唔識七嘅人睇波最開心」，禁不住拍下此情此景，上載 facebook分享。
該網民昨（6月30日）在facebook群組「Tai Po 大埔」發帖指，希望讚揚大埔昌運中心商場對面的「香港電訊」（HKT），因為它在「大眾福利」方面做得好，其店舖晚上關門落閘後，仍開着櫥窗前的小型電視機，讓球迷可以收看世界盃的直播賽事。他又附上照片稱，當時「圍埋一班三唔識七嘅人睇波」，更隨着支持的球隊入波或輸波「一齊嗌一齊X」，感覺非常開心。
帖文一出，即引起不少球迷關注，有網民認同樓主稱就算互不相識，「咁睇波氣氛更好」、「我阿爸依家都去咗大埔中心睇，佢好開心喎」，更紛紛分享自己曾在不同地點欣賞賽事，「某一屆世界盃，我入投注站睇」、「諗起好細個返鄉下，成村人圍埋睇一部電視嘅光景」，並提議大埔球迷可以到大埔超級城商場，在大電視下收看球賽更為舒適。
【世界盃】英球迷到俄羅斯睇波忘帶門票 各界幫手撲飛 最後……【世界盃九叔】老婆唔放人 兄弟團帶墨西哥人夫紙板去俄羅斯睇波【世界盃】「又不是你踢」被老婆禁睇波 網民精彩反擊得悲慘下場【世界盃】英國威廉王子伴約旦海珊王子睇波 網民：畫面太豪華
不過，也有網民留言反映，香港人要走到街上收看世界盃很「低微」，認為世界盃賽事不應該是付費節目，縱觀亞洲多地如台灣、澳門等，目前都可以免費收看世界盃全部賽事，唯獨本地多年不變要「有錢先有選擇」，坦言巨這樣「好可悲」。
（facebook群組「Tai Po 大埔」）