海鷗被困窗隙飛唔走　英留學生網上求救　網民：用剷引入屋再放走

「聽～海鷗的聲音～」溫書期間遇上海鷗到訪，都咪話唔騷擾。日前一名在英國留學的女網民，在討論區發文稱溫書時，突然發現一隻海鷗卡在其窗前，因空間有限，海鷗未能拍翼飛走，只用可憐的眼神向樓主求救。其間樓主不時向海鷗遞上水及糧食，惟海鷗一直未能離開，讓她不禁向其他網民求救，「有冇巴絲可以話畀我知下一步應該點做」？
不少網民見狀紛紛獻計，有人建議可用工具將牠引入屋，再放走牠，亦有網民稱「倒啲沙落條罅到，佢會揈走啲沙做踏腳石」，隨即飛走，甚至有人笑指可「播海鷗求偶聲畀佢聽」。

該女網民周日（3日）以「（突發）有隻海鷗卡住咗喺我窗出面」為題，在連登討論區發文求救，她稱當日下午溫書期間，突然聽到有東西撞進來，直至聽到窗外有「拍翼撞嚟撞去」的聲音，上前查看卻發現「有隻海鷗炒機飛咗入嚟」，兩者四目交投，不知如何是好。

樓主稱當初以為隔一會海鷗會飛走，詎料外出吃完晚飯後回家，牠仍在窗外，「原來佢卡住咗喺條罅到，因為好窄所以佢開唔到翼飛唔走」。眼見牠斷水斷糧，樓主便自製「evian水炮」，從家中往窗外射水柱給海鷗喝，亦將蛋糕弄碎，拋出窗外給牠吃。

可惜海鷗飲飽食醉後仍未離開，讓樓主笑稱牠應該「好低LV」，「技能得撞擊，Ｘ叫，拍翼」，她亦不禁問道「下一步應該點做」？不少網民見狀紛紛獻計，有人建議利用工具如垃圾剷，將牠引入屋內再放走她，惟樓主稱窗安裝了防盜，不能爬出窗捉海鷗，亦有網民稱可將沙倒在窗隙，「佢會揈走啲沙做踏腳石，然後就走到」。

事隔2日，樓主終於更新狀況，稱海鷗已被愛協組織捉走及放生，「希望佢好好生活落去啦」。

（連登討論區）