黑人唱歌短片瘋傳　廣東話熱唱改編版《浮誇》：真係熱到X街

今個夏天特別熱！端午節尚未到，但本港酷氣天氣已持續十多天，不斷打破5月的氣溫紀錄。過去不少人都指廣東地區的炎熱天氣，較熱帶地區更令人吃不消，近日本港WhatsApp及網上群組瘋傳一段短片，只見一名非洲男子以字正腔圓的廣東話唱出改編版《浮誇》，歌詞訴說廣東比非洲更熱，「嚟咗廣東之後我年年都會中暑、仲慘過喺非洲住、真係熱到仆街」，唱腔帶點周星馳味道，獲得不少網民讚好，但亦有人質疑並非黑人原唱，而是有幕後代唱。

原來片中的黑人來自剛果，有「黑人華仔」之稱，因喜歡華人文化，懂得廣東話及普通話，經常在YouTube發布歌曲，亦曾以廣東話唱過Beyond的《海闊天空》及其他國語歌，但他的廣東話咬字發音明顯比普通話差。資料顯示，黑人華仔獻唱的《浮誇》，早於2014年已在網上流傳，因唱腔激昂及表情浮誇而留住網民眼睛，而後來慢慢唱到走樣，又拿起椅子亂舞，更以平底鑊敲自己頭，並以垃圾桶蓋住自己的頭。

而近日在香港流傳的廣東話版《浮誇》，唱爆廣東熱過非洲，影片原來於去年曾在內地網站流傳，當時有媒體報道是「非洲黑人」激昂獻唱，但細看影像會發現仍是2014年版本，而且口型與「廣東好鬼熱」版本不同，加上唱出咬字清晰的廣東話，聲音也與黑人華仔不同，故網民認為是惡搞版，並非黑人原唱。

近日本港天氣酷熱，片段在香港社交群組瘋傳，網民不介意是否黑人原裝獻唱，卻大讚歌詞抵死，更同意廣東地區的在夏天時「熱過非洲」，有網民則認為「『黑人哥』來到了廣東才發現天氣比自己的家鄉還要難受，一個人身在外地孤苦無依，這首歌真的有淡淡的哀傷」。

「廣東好鬼熱」《浮誇》改編歌詞：

有人問我 我就會講我從非洲來 
你哋都話非洲好鬼死熱 
我真係想笑 
我話你哋廣東先至熱到仆街 
底衫底褲都濕埋
嚟咗廣東之後我年年都會中暑
仲慘過喺非洲住

真係熱到仆街 
出門行街只着底褲拖鞋
着最少的衫  也熱到瓜柴
踩住部單車都辣到爆胎
快快脆去游水吧
水中幫你降溫下
似桑拿似火爐的話
問你怕唔怕

好想踩部單車即刻返非洲呀
非洲都無咁可怕
廣東仲可以住人嗎
熱到爆炸
邊度有雪條 話我知
我要食十打

晚黑瞓覺 風扇壞咗
慘過無老婆
那時候我成身似被火燒
好想跳落河
在廣東無錢裝空調的人太多
我曾是其中一個
辛苦咗幾年後終於將空調裝咗
電費我交到要傻
一個月一千多

嚇到我即刻將空調拆咗
想好好瞓覺 點解咁坎坷
失眠的我唯有起身唱歌
快快落翻場雨吧
我哋需要降溫下
似桑拿似火爐的話
問你怕唔怕

好想踩部單車即刻返非洲啊
非洲都無咁可怕
廣東仲可以住人嗎