連登仔玩《FIFA18》遭父笑唔識打　減壓變躁爆兼被隊友拋棄

打機可以放鬆緊張的情緒，不過如果打機時身邊有人指指點點，可能反而使人更加煩躁。
有網民表示自從他買入一部PS4（Play Station 4）及遊戲FIFA18後，爸爸經常在他打機時指指點點，例如「每次打機輸咗波比人，佢就次次冷笑，我交失波又冷笑，射失波又笑，一場波夠膽死同我笑足幾十下」，使他感到十分煩厭。他更指因為爸爸的行為，「我都唔多想打機，部PS4仲開始封塵」。

一名網民於連登討論區上表示，自己現年30歲，工作一段時間後儲錢買了一部PS4，「諗住打機輕鬆下，點知輕鬆唔到」，他說Play Station的多款遊戲之中，最愛的就是足球遊戲FIFA，亦購買了一隻FIFA18，不過當他在客廳打機時，爸爸卻成為了最大的阻礙。

他說爸爸雖沒有阻止他打機，但「每次打機輸咗波比人，佢就次次冷笑，我交失波又冷笑，射失波又笑，一場波夠膽死同我笑足幾十下，又要擰晒頭咁」。他形容爸爸「以為自己係領隊」，還稱「笑到我個人都躁晒」。
 

當樓主試圖向爸爸解釋，敵方球隊有不少球員的能力值比自己隊高時，其父卻反駁是樓主的控制能力有問題。樓主又稱曾向爸爸說他沒有課金（以金錢換取遊戲中的能力），是靠實力一步一步前進，但爸爸卻只繼續冷笑，完全沒有理會他的說法。

樓主感嘆「大哥我買隻Game返嚟係想輕鬆下，宜家輕鬆條毛咩，我輸咗波我心情都會差㗎，你仲冷笑算咩意思？」。另外就算樓主取得入球，其父亦不會認同他的表現，會說他只是靠好運，使樓主十分氣憤。

FIFA18為玩家提供連線功能，可與朋友組隊打機，並進行即時對話，但這個功能對於樓主而言卻是另一個地獄。樓主指，當他與朋友連線打機及對話時，爸爸會在他身邊批評他及他的朋友水準低，當他取得入球時，爸爸又會說樓主表現好，靠其朋友沒可能入波，不單取態難捉摸，亦令聽到朋友不愉快，結果「而家我班Fd唔再同我打（機）」。

樓主又指，爸爸近日還問他為何沒有與朋友一起打機，使他有口難言，而現時只要爸爸在廳，他就不太想打機，特地買回來的Play Station 4已經開始封塵。樓主指，如果批評他的人只是朋友，「我Ｘ咗佢十世喇」，他更以自身情況，忠告各位父母「千祈咪望住個仔打機，望都唔緊要，唔好加評論，如果唔係我驚你遲早上A1（報紙頭條）」。不過他強調自己EQ很高，其他網民應不會在A1看到他。

有網民建議樓主與爸爸對戰一場「炒到佢Ｘ街咪得」，「同佢打一場就知唔係咁易玩」。不過亦有網民表示，「開頭作得幾好，但係太長，去到中期已經悶」，暗指事件有虛構成份。

（連登討論區）