【旅行青蛙】阿仔唔見咗？糖果店驚現青蛙「標本」　網民：被吃了

日本手機遊戲「旅行青蛙」（旅かえる）熱爆全城，不少玩家都當青蛙仔是兒子細心養育，「我隻青蛙唔知去咗邊」成為朋友同事之間最常聽到的一句話。當大家都為「阿仔過年都不回家」感到心裏焦急時，有網民投稿至facebook群組「名校Secrets」稱發現了青蛙的蹤影！

帖文寫道「我終於知道點解我隻青蛙一去冇回頭」，還附上兩張照片，顯示透明袋內裝着一個綠色青蛙型橡皮糖，上面還有便利貼標明「牠」就是旅行青蛙，還附加一張未製成橡皮糖前的留影，這隻已變成吃得的「標本」，每隻只售5元。
 

不少網民看完帖文都笑稱「你拎咗我隻青蛙」，又指「仲要賤賣了」，大家都恍然大悟，原來青蛙仔仔已在某人的胃裏面；不過亦有人質疑橡皮糖的形狀與旅行青蛙有點不一樣，「呃人嘅，明明就係旅行簷（檐）蛇」。

因着旅行青蛙遊戲大熱，青蛙仔除了被製成橡皮糖，不少商品都以青蛙為設計，包括年宵市場亦有青蛙公仔出售，各位爸爸媽媽，不妨走到街上四處尋子吧！