誤當波鞋「穿窿」　老豆漏夜買AA膠黏返　絲打：又無奈又warm

天下父母都愛錫自己子女，但有時他們的好意，卻令子女哭笑不得。日前一名女網民在討論區訴苦，指自己回家後，發現一對已清洗的波鞋被爸爸「大改造」！原來她的爸爸把波鞋原本腳底的凹位的設計當成了破爛，並用強力膠水黏合，令她相當無奈，但又得知爸爸全晚忙着為她「補鞋」後，「個心即刻warm晒」，樓主最後還不忘問網民該如何清除AA膠，而網民則建議她照樣穿上，因為是爸爸親手加工，「全球獨一無二都幾正」。

該女網民今日凌晨在連登討論區以「【有圖】有無人好似我老豆對我咁好」為題發帖，指自己回家後準備到露台收拾已清洗的波鞋，詎料發現波鞋「唔係乾淨咗唔係白咗」，而是「唔同咗樣」。從她上載的對比圖可見，原裝的波鞋腳底應有一個凹位，貼合用家的腳型，但她的波鞋凹位卻離奇消失，令她大惑不解。

細問之下，原來是爸爸以為波鞋破爛了，不想女兒穿得辛苦，所以好心幫她黏合，「仲夜媽媽專登落街買AA超能膠」，媽媽又向她透露，「老豆成晚都好忙咁整我對鞋，老豆仲話個女對鞋爛到咁，又唔捨得買過對新鞋」雖然最後波鞋應該要報銷，但見老豆出心出力補鞋，樓主坦言「個心即刻warm晒」，又慶幸自己有一個又細心又愛錫自己的爸爸，「一世都會記得」，爸爸更笑指波鞋是「今季最新款」。

帖文一出，即引起大量網民回應，紛紛大讚爸爸很有愛，「爸爸會唔會太可愛」，又有不少網民認為樓主不應扔掉波鞋，「當係老豆親手加工嘅全球獨一無二版都幾正」，又稱「對鞋你老豆整完仲靚」，亦有人分享類似經歷，「有個朋友條爛牛褲，畀佢阿媽補返晒」、有個朋友個阿媽將佢件麻質恤衫燙到起哂骨，乜皺紋都無哂。」

（連登討論區）