名校擬四季酒店辦謝師宴每人1500元　學生FB呻貴　網民：迫住去

謝師宴是不少人的回憶，近日一名男校學生在facebook專頁「名校 Secrets」表示，謝師宴投票決定到四季酒店舉行，每人要付1500元，該名學生認為價錢太貴不合理，直言「有乜可能一餐飯已經係半部電話嘅價錢」。

該名學生投稿到facebook專頁「名校 Secrets」，表示學校今年打算在四季酒店舉行謝師宴，但每名參予學生要付1500元，他認為價錢太貴，「食個飯真係無可能咁貴，有乜可能一餐飯已經係半部電話嘅價錢。」他指籌備謝師宴的委員會稱，1500元包括宴請老師、給老師的禮物、燈光音響系統、請工程師的費用和酒店的保險存款，多餘的錢就會捐給學校。

發文的學生不滿，直指「你連呢啲嘢都要學生俾，仲有平時叫我地捐錢仲捐唔夠咩，今次仲要強迫全世界捐」，又請網民用emoji投票，「慘慘」代表「全世界都去，你邊有得唔去啫」；「嬲嬲」代表「唔去」；「嘩嘩」代表「叫大家集體唔去，迫佢減價（雖然應該無人理）」和「心心」代表「其實個價錢幾合理」。

帖子引起網民熱論，有人認為謝師宴沒有必要太貴，「學生哥搞grad din 真係無必要咁貴，亦無必要去咁高級的酒店搞」、「請工程師？請返嚟有咩用？」，不過亦有網民認同謝師宴一生人一次，「好貴，但係有回憶，自己揀」。亦有網民分享自己過去謝師宴的經驗，「想當年我個屆Grad din 都係$1500，唔去都要900幾」，結果所有安排都十分差劣，連「老師都好無癮神早走哂」。