8年前曾自殺自殘厭食　女網友開解救一命　網民盼成功尋人講多謝

生命影響生命，人生路途上總會遇到幾位影響自己的人，特別在最低潮日子陪你走過的，總是念念不忘。有網民近日在連登討論區發出尋人啟事，希望聯絡到一位8年前曾經將他從「絕望無助的泥濘」中拉上來的女生。當時只是小學生的樓主，生活和學業令他情緒低落，並開始自殘，幸認識到這名女網友，花盡心機開解，令他沒走上自殺的道路，「我唔知道我有幾好彩先可以遇到一個咁嘅人」，故希望再次聯絡她，「好好地同佢講一聲多謝」。他接受《香港01》記者查詢表示，出帖4日已尋得該名女網友的聯絡方法，並留下訊息，希望得到回覆。

網民日前在連登討論區發帖，題為「【尋人】好想搵返呢個女仔，好好地同佢講一聲多謝」，他指8年前，當時自己只是一名小學生，但已遇到很多不開心的事，考呈分試又感到很大壓力，從小不習慣向身邊人傾訴的他，選擇了上網識人「吹水」，認為跟陌生人較容易說出自己的不開心和壓力，而這位女生就是其中一個網上認識的人。據他了解，這名女網友名叫Catharine或燕，在台灣銘傳大學讀中國文學，畢業後回來香港發展，當時大約20多歲。

網民說他當時的情況愈來愈惡劣，開始鎅手自殘、打牆、不吃飯等，日漸消瘦，甚至試過自殺，「無論係講嘢定係諗嘢，都好負面，好絕望，成日覺得死咗去就一了百了，再冇痛苦。成日開口埋口都係叫人唔好理我」。面對這樣的他，Catharine從來沒有放棄，每日都跟他「吹水」，有時亦會罵他，教他種種價值觀，「到咗依家我都好記得佢當年點樣鬧我，又點樣軟硬兼施咁教我好多嘢。」

樓主感嘆說「有幾多人遇到一個反叛期嘅細路，無禮貌，目中無人，成日自殘又話自殺，會好好心機咁陪佢傾年幾計（偈），想佢好好咁成長，行返一條岩嘅路。」他又指Catharine是改變了其生命的人，「唔知當年如果冇遇到佢，依家嘅我會係點？會唔會係已經入咗冊？會唔會已經唔係呢個世界......」

兩人的聯絡方法僅限於MSN和網上論壇，即使曾交換facebook，Catharine最後一次出帖日期已是2013年8月底，其後樓主曾斷斷續續傳私訊，至今都沒有回覆，故希望大家可以幫幫手，「真係好希望可以揾返呢個改變咗我一生嘅女仔，好好咁多謝佢」。

他亦說，即使最後未能尋到她，仍希望自己這個故事，能激勵大家多關心身邊人，近年香港自殺事件愈來愈多，特別是學生，「如果身邊有，又或者有遇到有自殺傾向嘅人，多啲同佢傾計，關心下佢，就可能可以救返一條生命」。

不少網民紛紛留言稱會幫手推文，希望樓主可尋獲這位好人；又有人願意借出台灣討論區的帳戶，讓樓主到那裏發帖尋人，或者成功機會較大；但亦有人擔心這樣會高調「起底」，樓主則回應說「受過人地嘅恩惠要好好記得」，希望能盡自己力量報答，但如果事情開始失控，他會立即「收手」。