連登仔網上直擊「媽媽大戰蜂巢」火攻激戰　網民：黃蜂嚟㗎！

為母則強，父母為保護子女，甚至冒上生命危險亦在所不惜。日前有網民在連登討論區上載一張蜂巢照，指其母企圖用火攻殲滅家中外牆的蜂巢。該名連登仔在旁以文字及圖片直擊「媽媽大戰蜂巢」的過程，引來大批網民留言，激讚其母親勇敢。其後有網民事件中被打死的不是蜜蜂，而是攻擊力強的黃鋒。

該名名為「我有個野人老母」的連登仔在網上發文，上載的照片顯示，其家中外牆的抽氣扇排氣管之上有一個蜂巢，留言指：「今晚我老母返黎（嚟）話要好好咁對付佢地（哋），我以為佢要call漁農處啦，點知原來係我太天真。」

連登仔隨即上載一張火光紅紅的照片，驚訝表示：「佢拎左（咗）支丫叉出黎（嚟）話要隊死佢地（哋），你咁隊佢發（法）仲唔飛到成屋都係，但我老母一意孤行，仲話要用火攻！」他又形容其母「玩得相當興奮」，更指要食蜂巢內的蜂蛹。

伯母如此瘋狂的行為，引來大批網民大讚她勇敢，「樓主」亦一直以文字及圖片直擊「媽媽大戰蜂巢」的過程，並上載蜜蜂的「屍骸」照，隨即有網民直指那並不是普通蜜蜂，而是攻擊力強的黃蜂，「雌蜂身上有一根有力的長螫針，在遇到攻擊或不友善干擾時，會群起攻擊，可以致人出現過敏反應和毒性反應，嚴重者可導致死亡」、「wasp（黃蜂）嚟㗎，唔係bee（蜜蜂），bee就冇所謂啦，好易解決，wasp你自己搞，整唔死晒佢哋，一定會返嚟再築巢，仲有wasp針你可能會有過敏反應，勁過bee好多呀」。

然而樓主表示，最後經過連日來的火攻及激戰，大部分蜂巢已被其母殲滅，只剩下小部分未能伸手處理。

今次滅蜂事件令網民想起約１個月前的同類事件，當時有另一網民自製「水炮」，在900毫升的樽裝飲品膠蓋中開一個小洞，試圖利用「高速水炮」擊退蜜蜂，誰知失敗而回，更被蜜蜂螫到手背。

（連登討論區）