【回帶】比蒸月餅更崩潰　酒樓誤將蛋糕當壽包清蒸　最後結局係…

沒有最崩潰，只有更崩潰。日前有網民在facebook群組「Tai Po 大埔」轉貼一名僱主的手機截圖指，家中菲傭自創「清蒸」冰皮月餅，令僱主哭笑不得，但暗黑料理又豈止這一款。有網民憶起2011年風靡一時的OpenRice「蒸壽包」潮文，DJ森美更曾在電台節目公開全篇朗讀一遍。雖然當年潮文被瘋傳，但最終的結局未必人人知道，原來事主「案發」後9個月親自回應，指酒樓「一句道歉都冇」。

2011年網民在食評網OpenRice留言指，屯門一間海鮮酒家的侍應將他親手製作的「壽桃蛋糕」清蒸，他寫道：「昨晚到此酒家食晚飯慶祝我婆婆生日，本人親手用左大半日時間，整左個壽桃蛋糕俾婆婆慶生。一去到酒樓，我就將蛋糕交左俾一個侍應阿姐，叫佢幫我雪住個蛋糕。」

嘔心瀝血自製蛋糕竟被摧毀，該事主稱氣得無法形容：「只可以當場痛哭。」他更嬲爆反問：「如果我個蛋糕係魚形，咁佢地係咪會拎去煎黎食？」事後森美曾在電台節目聲演這篇潮文，網民大讚他將事主無奈又憤慨的心情表露無遺。

吃完主菜後，事主拜託侍應拿出蛋糕，對方竟表示找不到及從來沒幫他保存蛋糕，經過一輪了解，事主終於得悉令人崩潰的真相，「發生左一件俾食客誤食更慘痛既情況出現」，他接着寫道：「佢地竟然話我知，將我個蛋糕拎左去蒸，佢仲話我個蛋糕唔係蛋糕，係壽包！」

因森美的完美演繹，令該食評再度引起網民熱議，紛紛留言欲知後事如何，而事主亦於「案發」後9個月，再度回應：「當時我嬲得滯走左，事後聽返我親戚講，個蛋糕拎返出黎既時候，表面冇事，但係入面d（啲）cream（忌廉）已經溶晒……」最令事主氣憤的是，酒樓方面沒有道歉：「該酒樓沒有作任何賠償！而且，部長也沒有親自向我道歉！」

（OpenRice、YouTube）