大吉利市?第2年收公司利市 拆開驚見2東西 網民笑:好彩冇紙巾

撰文:夏洛特
出版:更新:
農曆新年開工日,打工仔一般都會收到公司「開工利市」,而利市多準備雙數金額取好意頭。然而,近日有打工仔卻發帖稱連續兩年收到公司準備的利市,而拆開後卻見到是加拿大1元硬幣(約5.4港元)及1顆糖,她亦不禁笑問「應唔應該糾正返公司」。而網民亦爆笑指「明白公司好有心想慶祝,但真係唔係咁呢」,猜測是外國公司不了解新年習俗所致。

該名網民在社交平台Threads發帖並上傳照片,表示已是連續第2年收到老闆派的「奇怪」利市,令她好奇詢問「第二年收依封嘢,應唔應該糾正返公司」,並標籤加拿大,相信為加拿大的公司。
從照片可見,樓主收到的利市中,竟然並非一般取雙數好意頭的金額,而是包括1加元硬幣(約5.4港元)及1顆「利是糖」,竟與白事用的「吉儀」相似。
樓主在帖文表示「大吉大利變大吉利市」,並備註「加拿大 加拿大 加拿大」,又笑言「唔知點開口好,仲未用嗰1蚊」。
帖文引起網民熱議,除表示爆笑,亦有人表示「明白公司好有心想慶祝,但真係唔係咁呢」、「好多concept(概念)要解,好彩未加紙巾」,另有人猜測「外藉老闆?」、「可能老闆去過人哋白事收過吉儀,就以為利市係咁」。
還有網民建議樓主可向老闆表達謝意,感激對方重視華人文化,但亦可提點對方「不過呢個派法呢,係傳統中國文化有負面意思」。
(Threads)