【你有freestyle嗎】唐詩詠拍華為手機廣告　網民批似數白欖

吳亦凡在內地節目《中國有嘻哈》，不停問參加者「你有freestyle嗎？」，這股freestyle風隨即熱爆網絡，近日連憑劇集《不懂撒嬌的女人》人氣高企的唐詩詠也嘻哈俠上身，在華為最新手機廣告中大玩freestyle。可惜觀眾反應不似預期，網民湧到華為fb專頁留言，指唐詩詠缺乏節奏感，令那段freestyle好像數白欖般突兀，亦有人指片中舞步似大媽廣場舞。關公臨門，華為小編淡定自嘲，幽默地回應網民，贏回不少分數。

華為小編在影片帖文回應網民，暗地裡承認廣告有點問題，坦言「個個都笑，唔通個個都想被人笑咩」及「係嘅，__左就要認，打就企定」。有網民狠批廣告侮辱了女主角及手機配置的Leica鏡頭，小編亦以一張掩面gif圖表示感到慚愧。其後有網民讚華為的公關團隊強勁，成功引起話題。

華為小編回應截圖

周星馳在電影《少林足球》中曾說過「波，並唔係咁踢㗎」，廣告亦以唐詩詠的一句「自拍，並唔係咁拍㗎」點題，稱只要了解和欣賞自己，便可以拍到好的自拍照。

廣告除引用經典電影對白，亦緊貼最新潮流，由唐詩詠生硬地說出「你有freestyle嗎？」，將廣告推到高潮！唐詩詠說了這句潮語後便無以為繼，其後她以數白欖形方式介紹手機的特點，例如「2000萬　前鏡頭　清到無朋友」及「分到男女先叫醒　男友唔使變蛇精」等等，更有網友戲言唐詩詠的數白欖風格與玄學家麥玲玲相似。

全篇數白欖：

2000萬 前鏡頭 清到無朋友
美顏夠聰明 皮膚閃令令
加埋個散景 美感再提升
配合埋Lighting 輪廓更鮮明
分到男女先叫醒 男友唔使變蛇精
屏幕識補光 暗燈唔使慌
張開手 放低手 自動影相望鏡頭

廣告高潮一浪接一浪，數完手機功能後，被網友笑指充滿大媽味道的廣場舞緊接出現。當時一班dancers圍着唐詩詠跳舞，期間唐詩詠只是不斷在鏡頭前。拿着手機更換自拍姿勢。

不少網民留言指該廣告的風格令人「唔敢睇」，亦有網民指廣告「好老套，仲跳大媽舞」，於是最後成功觀看多少秒成為「勇士」指標。有網民表示「我聽咗3句已經頂唔順」，表現較好的就看了約1分鍾，更有網民在fb標籤朋友下戰書，指「睇晒唔笑當你贏」及「你睇得晒我跟你姓」。

不過其實亦非一面倒是負評，唐詩詠在廣告中的表現亦得到部分網民認同，例如「之前啲人話唐詩詠分手好慘，我話依條片先叫好慘」，或「本來對唐詩詠無乜感覺，但依家覺得佢其實幾專業」。