大專生呻新入職IT工要求高　1點最離地　網民：最好請到Elon Musk

打工仔初出茅廬就要瓣瓣掂？有大專生在網上發文，指現時「新入職IT（資訊科技業）工」要求極高，除要懂不少程式語言、行業技能，還要求1至2年的工作經驗，大呻「C●S，呢個門檻真係請FG（應屆職業生）」。有網民笑言「係咁㗎啦，最好個個都係Elon Musk（馬斯克）, Mark Zuckerberg（朱克伯格），咁老細就最開心」，但不少人覺得這些技能要求不算高，即使未符合全部條件且沒工作經驗，也可先發履歷嘗試，「其實真係有FG好鬼勁」。

要懂大量行業能 有1、2年工作經驗

樓主在Dcard討論區以「點解啲FG IT咁X多requirements」為題發文，發現即使基礎級別的IT工種的要求也不少，「除咗Java、Python、JavaScript唔夠，仲要識埋Azure、AWS、Json乜乜XX」，要懂大量行業技能，而且還要求有1至2年工作經驗，「C●S呢個門檻確定係請FG?」。

網民反指技能要求不過分

有修讀相關學科的網民認為這些技能要求不過分，部份更是相當基礎，「Json都唔識就真係返屋企啦」、「唔係想寸你 ，但Json真係好入門，同XML一樣」、「呢啲要求唔高啊」、「你講嘅嘢全部都學過，不過自問唔精，同冇工作經驗」。

網民：個個Elon Ｍusk、Zuckerberg老細最開心

有留言笑指老闆一定想員工「周身刀」，但即使未能滿足所有要求也可嘗試申請，「係咁㗎啦，最好個個都係Elon Ｍusk（馬斯克）, Mark Zuckerberg（朱克伯格），咁老細就最開心」、「識一半都可以試下報，一般都唔使識哂所有要求， 只係識可能有得in嘅機會大啲」、「全部業界用嘅嘢，上堂唔會教」、「通常requirements 都係乜X都寫晒落去，所以唔係識晒你都可以照send CV過去博一博」、「再搵囉 ，IT其實真係有FG好鬼勁，啲requirements」。

不過，樓主澄清自己不是主修電腦科學相關科目，想找「IT support（技術支援）」工作，「其實我冇話過我識JavaScript，Anyway 感謝師兄，我得閒會睇吓」。網民亦鼓勵指「出過嚟做嘢就會知 IT FG=白紙一張」，有人分享自己文憑試未出成績已經擔任實習程式員，「呢行學歷相對冇咁重要，讀得大學就唔好做IT support啦，其實啲嘢唔難學，網上好多免費課程畀你學，你肯踏出第一步去學就會發現其實好易學」。