九巴逃生手錘「吊吊揈」　懸男子頭頂極危險　港男拍片1原因捱罵

巴士設有「可供敲碎玻璃手錘」，以方便乘客在緊急情況下可敲碎車窗玻璃逃生。網上流傳1條長約11秒的影片，顯示巴士上層其中一個手錘不知何故鬆脫，單靠索帶在特製手錘架上「吊吊揈」，下方位置當時坐着1名男士，場面「牙煙」。

有乘客拍攝影片上載至Threads，並表示「提唔提佢好？」。影片顯示乘搭九巴時，上層其中一個手錘隨住巴士行駛不停搖晃，生怕如果索帶不堪負荷，就會直跌擊中坐在該位置的男士頭部。幸好影片完畢前都未有意外發生，未知有否乘客通知車長。

影片引來許多網民討論，「好心通知阿叔同車長，仲掛住拍」、「咁都要問網友？」、「拍攝者不救」、「下次再遇到要即刻提，唔使急住打卡」、「你係佢，你想唔想人提？」。

（Threads）