麥當勞汽水走冰份量變少？港女驚見只得大半杯　網民解謎話咁運作

夏日炎炎不少人外出用膳時，都會叫凍飲透心涼兼解暑！有港女日前光顧麥當勞午膳，當時要求汽水走冰，但發現「一打開蓋少咗咁多汽水嘅，唔通減咗啲冰份量？」，多名網民解釋「因為汽水機自動設份量，除非職員再加滿佢，但咁忙通常都唔得閒同你加」、「因為自動制，你飲幾大杯，職員就按乜掣…唔好諗住唔要冰會多啲嘢飲」。

樓主在facebook群組「香港茶餐廳及美食關注組」表示，日前到麥當勞午膳，叫了汽水走冰，開蓋後卻發現少了汽水，質疑職員扣減冰的份量後，拒絕添滿汽水。

網民笑言「天氣太熱，蒸發左啲啫」、「我叫牛扒餐走薯條配菜，佢係咪會畀多塊牛扒我？」，亦有人解釋「人地設置好晒，加埋冰就剛剛好，你唔要就係咁啦，佢好心咪撳多下畀你囉」、「汽水機出汽水，一按就是咁多」，更有網民分享試過汽水走冰，但份量沒有減少，其他人估計「客唔多！遇着好人」。

（facebook群組「香港茶餐廳及美食關注組」）