機場爽玩閃避球！疑遊學團於候機室奔跑打波　網民：當學校操場？

小童活潑好動在所難免，但作為成人理應及時制止！網上日前瘋傳1條攝於香港國際機場候機室片段，只見1群小童以及數位成人均穿印有同一標誌上衣，其中有大人竟和該群小童大玩閃避球，讓10多名小童在候機室座椅附近掟球奔跑，附近亦有不少穿上同一服飾的小孩。

機場管理局回覆《香港01》查詢時表示未有接獲旅客的有關投訴，強調理解旅客出遊開心的心情，但亦提醒旅客應避免在機場範圍內進行妨礙或影響其他機場使用者的活動。

網民指這群小孩應該是遊學團，批評他們在機場打閃避球既危險又騷擾其他候機乘客，「當學校操場呀？真心過分咗」、「同一班機登機位唔係好大，其他乘客無義務要忍受呢種滋擾」，認為同行相信是老師的大人失職；不過亦有留言覺得無問題，「無阻到人嘅話都OK啦」、「機場本身就係嘈」。《香港01》正向機管局查詢。

有網民日前在 threads 上傳片段，驚訝表示「我真係無諗過，可以喺香港機場玩閃避球」。片中地點為香港國際機場候機室，有大群小童和成人身穿印有同一標誌的白色上衣，部份坐着等待，有10多人則在玩閃避球，網民認為他們是遊學團，而站於學生前方，身型較高佻的男士，相信為同行老師。

片段可見，最先有學生坐於地上，然後1名男童以發球姿勢，將球傳予老師，當老師拿到球後，便往學生方向掟。多名小童隨即於候機室座椅附近跑來跑去，試圖撿回球，數位女童更揹着同學四處走動，周遭亦見有不少旅客正等候上機。過程中有機場廣播呼籲，「登機廣播，乘客請在座位上等候」。

不少網民猜測這群人應該是遊學團，「早幾日係尖沙咀見過佢哋，啲細路仔係講英文，但係啲導師係講普通話，唔知係咩活動」。許多人斥責片中成人失職，「小朋友唔識就話啫，最大鑊係佢哋嘅老師覺得無問題」、「除咗嘈同滋擾到人，有無諗過危險？撞到人掟到人，老師唔使風險管理？」、「當學校操場呀？仲有其他人喎，真心過分咗」、「係合適環境做適合嘅嘢！嗰度係機場，大人要教禮儀同規矩」、「同一班機登機位唔係好大，其他乘客無義務要忍受呢種滋擾」，又提醒機場有兒童遊樂場，「上次飛日本見到隔籬登機位成隊一齊踢緊毽」。

部份網民認為，小童上機前可「放電」未嘗不是一件好事，「我覺得佢哋咁樣做無問題，機場本身就係嘈」、「無阻到人嘅話都OK啦，真係阻到你嘅，咪過去搵老師投訴」、「阻唔到人嘅話，放鬆啲啦，我覺得好cute」，又揶揄「如果喺日本，好有愛呀！邊似得香港乜都唔俾做！」。但也有留言反駁，支持的網民應將心比己，「如果你頭或者你BB被個波打中，放上嚟X嗰個人就係你，針唔拮到肉你唔知痛啫」。

（threads）