大埔屋苑警鐘長響　女保安熟睡無反應影片瘋傳　網民建議1招絕了

保安員工時長，有時難免會感到疲倦，但完全熟睡是否有點過份？網上日前流傳1條影片，顯示大廈警鐘長響，但女保安員繼續閉目側頸睡覺，完全沒有醒來執勤的跡象。上載影片者表示，影片是在大埔某屋苑拍攝，「（女保安）夜晚瞓覺，（警鐘）長響都冇反應」，並稱其他座數都有類似問題，呼籲大家多加注意。網民紛紛笑言「冇帶大耳筒都瞓到咁，佢真係好攰喎」、「暈咗，下次幫佢叫白車」，亦有人建議試試「（在女保安員）耳邊講『收工啦！』」，相信可以令到她立即起身。

涉事影片被上載至facebook群組「大埔 TAI PO」，長約18秒，樓主表示事發大埔某屋苑，當時正值晚上，片中可聽到警鐘正在長鳴，雖然非常嘈吵，但女保安員繼續側頸熟睡，似完全沒有被警鐘聲打擾睡意。樓主指聲稱其他座數保安員都有類似表現，呼籲其他住戶多多留意情況。

多名網民笑言「咁樣都唔醒，應該都叫唔醒」、「咁又過份咗嘅，定係暈咗？」、「呢啲博炒」。更有人指警鐘是為女保安而響，「個警鐘係咪要救佢」。

（facebook群組「大埔 TAI PO」）