巴士阿叔用袋「霸埋隔籬關愛座」　大聲開喇叭睇賽馬　港男1招KO

乘搭巴公共交通工具時要保持公德心，避免影響其他乘客。有港男在網上表示，乘搭巴士期間，對面關愛座坐了1位阿叔乘客，用袋「霸埋隔籬位」，1人霸佔2個座位，同時其手機大聲播放賽馬。他批評對方行為自私，當場開口怒斥，阿叔立即收斂，網民紛紛留言「好憎呢啲人，會問佢係唔係輸唔切」、「上次見到有個阿姐都係咁，我直頭企喺佢面前，同佢講唔該，佢即刻拎起個袋」、「唯有喺佢隔籬播大悲咒，幫佢打吓氣」。

樓主在facebook群組「青衣街坊吹水會」上載圖片，顯示1位阿叔乘搭九巴坐在關愛座，旁邊座位放了1個袋，正前方有1個白色行李篋，不排除同屬阿叔。阿叔正低頭看手機，樓主指出阿叔「又要霸2個座位，又要大聲聽馬」，行為相當自私，「已當場X佢，我還在巴士上！即時收聲」。

多名網民紛紛留言「大把呢啲人」、「抵佢輸多啲」、「關愛座梗係要關愛埋佢啲隨身行李！」。網民又批評他將篋放在內側座位前，其他乘客「係咪都坐唔到」，行為自私，有人指阿叔正在收聽賽馬，開玩笑建議樓主「拍佢膊頭」。

（facebook群組「青衣街坊吹水會」）