最尷尬請食飯黨？內地男女推BB咁講　港女回應獲激讚：好唔怕醜！

「借錢黨」、「請食飯黨」殺入柴灣？有港女於網上柴灣群組發文，指她在興華一邨遇到1對衣着光鮮內地男女，對方推着「BB（嬰兒）」要求她給錢「買飯畀BB食」，但港女未有理會，該對男女慘「食檸檬」。港女又斥責對方「好唔怕醜」。
事件引來網民熱議，大讚樓主做法，「做得正確，Well done」、「做得好！千祈唔好畀，一畀就會愈來愈多」；也有網民笑言「咁可憐要幫佢報警」。

該港女3月13日於Facebook群組「柴灣人柴灣事」發文講述事件，指她當日經過興華一邨時，有穿着得很光鮮的內地男人和「生得好白淨」女人，推着「BB」問她「攞錢買飯畀BB食」，但港女聞言沒有理會「派檸檬」，「我無啋佢」，又斥責「好唔怕醜」。

帖文引來網民熱議，大讚樓主應對得宜，「做得正確，Well done」、「做得好！千祈唔好畀，一畀就會愈來愈多」、「咁可憐要幫佢報警」。也有網民指多個地方都遇到相同情況，「你咁有禮貌，下午我喺漁灣撞到佢哋直接畀隻中指佢哋即走」、樂軒臺都有他的蹤影，大家小心不要心軟」。