【迷你倉奪命火】中學師弟含淚悼念：唔需要英雄　只想佢企番喺度

於牛頭角淘大工業村時昌迷你倉四級火中殉職的高級消防隊長張耀升，其家人及消防處等近二百人今日於現場路祭，不少市民亦到場致哀，其中包括張耀升的中學師弟余先生，被問及對張的印象，余更一度流下男兒淚，哽咽十數秒後才平復心情，「我好respect(尊敬)嘅一個人，希望佢知道好多人都好關心佢，亦希望嚟過嘅消防員，會記住Thomas(張耀升)呢個人」，又指「我哋唔需要英雄，最想佢可以活生生企番喺度」。

余先生回想與張耀升同讀聖保羅書院時，亦同為籃球隊成員，張是學長，較余高數屆，當時張經常會教導和鼓勵余和其他同學，「唔只喺球場上，人生上有時遇到挫折，佢都會好鼓勵我哋」，余指在他心目中，張是一位很好的師兄，一直努力為消防和師兄弟無私地付出，因此一眾師兄弟都以他為榮。余先生又指畢業後少了機會與張接觸，只有間中在舊生球賽會見面。

余表示，悲劇發生後，一直很心痛，今早特意到現場路祭悼念。余又指中學舊生會於事發後全力協助張的遺屬，又進行募捐，希望張的遺屬能渡過難關。余又慨嘆：「我哋唔需要英雄，最想佢可以活生生企番係度！」