【鄉事組黨】侯志強稱發叔抱恙難開口 捏手撐「開公司」
沙田鄉事委員會主席莫錦貴昨連同15個鄉委會召開記者會，反對上水鄉委會主席侯志強組黨，但侯率領近100名支持者「踩場」，雙方唇槍舌劍。兩人今早再於電台節目各自表述，侯指昨日「舉下牌好濕碎」，而莫錦貴則透過電話稱「如（組黨）對鄉事局有傷害，就一定出聲」。侯志強又稱，自己出外「開公司」（組黨）獲得抱恙的「新界王」劉皇發「無聲祝福」，「我有問佢如果支持我組黨，就揑我隻手啦，結果發叔捏咗幾下」。
「開公司」招兵買馬關你地咩事？
侯志強：一圍枱可以加位
侯志強重申，組黨是為社會服務，強調今次組黨由新界原居民和居民自發。他指，「我哋三兄弟一齊『食太公』，我今次自己出來『開公司』，唔會用『阿公』身家，『開公司』招兵買馬關你哋咩事？你哋做兄弟應該恭喜我，而且今次真係為社會服務，唔明點解要反對我。」
他又否認與中聯辦及其他建制派政黨商討組黨之事，認為組多一個政黨能吸納更多選民，「唔好覺得一圍枱就係12個人，可以加位嘅，唔一定拉一個人落嚟」，更指可能「有人會鍾意侯志強挺身而出。」
侯志強又說：「我係維新派，我係放眼國家和地方，唔係為皇朝服務，況且『人貴自立』，既然有能力，何必要『搖尾乞憐』？我要將不平事向政府發聲。」
「發叔（劉皇發）當位位都是朋友，如（新黨）成競爭對手點算？」
莫錦貴：若變競爭對手點算？
而莫錦貴則指，若侯已表明其組黨與鄉議局無關，「咪無嘢囉」。他指侯一直把鄉議局掛在嘴邊，令他有顧慮，因鄉議局本來已是法定諮詢機構，「大家有咩事都會搵鄉議局」，又指「發叔（劉皇發）當位位都是朋友，如（新進黨）成競爭對手點算？」
莫錦貴又批侯昨日的踩場舉動「完全不算溝通」，又指「我一路講嘢一路比人鬧，仲點敢講？」他又指「我唔信（昨日示威者）係自發，公道自在人心」。被問到會否支持「兄弟」侯志強的「新進黨」時，莫錦貴指「運行嗰陣唔知會點喎，影響可有可無啦，但都要睇定啲先知支唔支持」。
我上月探過發叔，佢都好精神，但講唔倒野，我有問佢如果支持我組黨，就揑我隻手啦，結果發叔揑了好幾下
侯志強回馬槍 稱有發叔揑手「祝福」
莫錦貴回應後，本已離開錄音室的侯志強突然折返，指「我係車聽倒真係忍唔住返來回應，就算有嘢做都要為新界居民返來發聲！」他再與莫錦貴對質，指「我哋兩兄弟，你噚日自己開記招唔通知聲又好好咩？自發舉牌有幾個都係你沙田嗰邊！我哋行得正企得正，25號酒會當日一定請五湖四海嘅兄弟」。
被問到有否與鄉事派「舉足輕重」的劉皇發提過組黨事宜，侯志強指「我上月探過發叔，佢都好精神，但講唔倒野。我有問佢如果支持我組黨，就『鍊』我隻手啦，結果發叔『鍊』咗好幾下」。
期望「新進步聯盟」可完成抱負——「為新界人發聲」
在節目中，鄉議局副主席林偉強回應侯稱，自己一向對其組黨持開放態度，認為組黨可助鄉事派擴大基礎，「由始至終與侯都無衝突」。他不認同過往政黨未能為鄉事派發聲，批評相關報告與事實不符，但就承認現時鄉事派少了議席，故期望「新進步聯盟」可完成抱負——「為新界人發聲」。