【危險！】本田逆線撼貨車　剷上巴士站險撞人　司機涉五宗罪被捕

早上8時14分，一輛白色本田私家車於葵涌石排街上斜方向，疑突然失控逆線並扭向落斜方向，先撞向一輛貨車，再撞向行人路鐵欄。私家車及後倒車，車尾撞向路邊巴士站。有目擊者表示，當時涉事私家車「佢仲要後波，繞咗個半圓形，再用車尾撞多次巴士站，嚇到排隊等巴士同埋啲途人急忙閃避。」

車輛牌照已到期

幸好途人成功閃避，未有人受傷。目擊者又指，私家車其後不停漏油，而司機疑被困車內，未有離開車廂。警員趕到現場，封鎖涉事一段路面調查。而27歲姓洪的私家車司機受輕傷，送往瑪嘉烈醫院治理，並成功通過酒精測試。他其後涉危險駕駛、使用未經登記車輛、在沒有第三者保險下駕駛汽車、駕駛時沒有攜帶駕駛執照及未能出示身份證明文件被捕。根據私家車車頭行車證，車輛牌照已於今年9月到期。