【動漫節2017】首辦玩具節 家長棄練習買玩具：自己細個都想玩
今年動漫節首次在同一場館，增設兒童玩具節，場內有不少玩具商參展，亦設有充氣滑梯及彈彈床等。
不少家長趁假日帶同小朋友到場，讓他們暫時告別厚厚的功課堆，享受天倫之樂。有家長指平日未有催谷小朋友做練習，亦讓其於暑假盡情玩樂，因為從小朋友角度出發，「因為我自己細個都想玩！」
動漫場館今年特設兒童玩具節，場內設有玩具模型特賣場、卡通人物見面會及充氣滑梯等。記者現場所見，不少父母均帶同小朋友到場享受天倫之樂。業先生與7歲兒子Jayden甫入場便鎖定充氣滑梯，Jayden玩後大讚「好好玩」。業生指會讓兒子在暑假「玩多啲」，「因為自己細個都想玩，練習平時都做好多，暑假應該要玩」。
張先生趁放假便一家四口到玩具展，他預計會為兒子購買約千元玩具等。10歲的Matthew指看到現場有很多玩具，感到十分興奮。張先生指他們亦有到書展，不過並非買練習本，而是花了3,000元選購漫畫及玩具機械人。他認為應讓小朋友平衡學習及玩樂時間，直言「小朋友唔玩可以做咩？」他又指會讓兒子發展運動的興趣，平日會讓他花1至2小時來打籃球、游泳等，「做完運動會醒神啲」。
彭太與10歲女兒Vernice到場，女兒昨日已十分期待，因為知道場內有不同玩具可試玩。不少家長均會到書展為子女選購練習，彭太則指自己曾經買過練習本，惟Vernice抗拒完成，因此現時彭太即使去書展，亦只會讓女兒選購心水書籍，「唔想逼佢，因為讀書已經好多功課，已經夠哂」。彭太指女兒的成績為中等，但她亦毫不介意，因為「一定有人叻過你，唔鍾意讀仲衰」。彭太認為，小朋友的童年應該「以佢哋開心為本」，「就好似畫畫、跳舞咁，佢鍾意咪俾佢學；鋼琴佢都學過，但唔啱就算」。
8歲的Will試玩PS4的新遊戲後直指「好開心」，「因為呢度有好多嘢玩」。其爸爸康先生指特意帶同喜歡電玩的兒子到場，「一定畀佢玩，其實打機都係一個活動」。康先生指平時亦間中買練習給兒子，但不會強逼他完成，最重要可平衡兒子玩樂及讀書的時間分配，「成日做練習嘅話，個人都讀到無心機啦！」