【偷人奶】港媽怒轟：母乳唔係要有就有　你飲咗，BB飲咩？

近日有在職媽媽在公司泵人奶後，遭男同事「偷龍轉鳳」，以鮮奶換走雪櫃中的人奶。有同樣會餵哺母乳的市民怒轟，涉案人的行為很離譜，說「母乳唔係開水喉，要有就有嘅嘢，好難先有一安（士），你飲咗BB飲咩呢？」亦有在職媽媽透露被同事歧視的慘況，泵人奶離開位置時，被同事說閒話「點解可以走咗去唔做嘢」，令她深感無奈。

育有一子、同樣會餵哺母乳的陳太太認為，平常鮮奶不會放在嬰兒用奶樽內、加上鮮奶和人奶的顏色不一樣，質疑涉事人是存心偷奶，指事件令人感到「變態！好不安！」另一名身為人父的李先生亦認為，奶樽與其他飲品器皿明顯不一樣，相信涉事人存心偷奶，在自己的工作環境中則聞所未聞；其妻子聽聞事件後更反問「咁都得？」

兩子之母：母乳唔係要有就有，你飲咗BB飲咩呢？好難譜！

將人奶「偷龍轉鳳」除了可以涉及偷竊罪行，可對嬰兒和媽媽帶來甚麼影響？育有一子一女、同樣有餵哺母乳的馮太太，她怒轟涉案的男同事「好難譜，母乳唔係開水喉，要有就有嘅嘢，好難先有一安（士），你飲咗BB飲咩呢？好難譜、變態、好性騷擾！」馮太太說，自己經常需要在公司泵奶，從未試過類似事件、也沒有想像過可能會發生在自己身上。

母乳媽媽慘受同事歧視　被認為「走咗去唔做嘢」​

另一名不願上鏡的陳太育有一名8個月大女兒，對於有指一名母乳媽媽被男同事「偷奶」一事，直斥他「行為變態」。任文職的陳太又説，現職公司有準備一間空置會議室做「泵奶房」，給予現時的兩名媽媽使用。惟有部份同事卻有微言令她感到無奈，「有時聽到有同事會有説話講，話點解可以走咗去唔做嘢，但有時處理好加埋清潔返都要花大半個鐘，都無可奈何，但為咗生活都要繼續工作。」她認為，香港部分公司對在職媽媽有一定支持，但市民的意識上未能配合。