國泰香港飛東京羽田加航班！晚去早返夠唔夠吸引？啱打工仔快閃

東京羽田機場終於加航班喇！參考國泰官方網站，國泰航空將於12月1日起，增加東京羽田航線，由每日一條航班，新增至每一兩班。時間晚去早返，適合打工仔計劃快閃旅行，不過價錢都相當震驚，買不買就見仁見智喇！

國泰香港飛東京羽田加航班！晚去早返夠唔夠吸引？啱打工仔快閃

東京羽田機場終於加航班喇！參考國泰官方網站，國泰航空將於12月1日起，增加東京羽田航線，由每日一條航班，新增至每一兩班。現有航班為早去晚返，於香港時間上午8時55分於香港國際機場起飛，日本時間下午1時45分抵達日本；而新增的航班則為晚去早返，香港時間下午4時25分起飛，9時15分抵達日本，航班時間表如下：

現有航班：
香港/東京羽田 0855/1345
東京羽田/香港 1605/2015

新增航班：
香港/東京羽田 1625/2115
東京羽田/香港 1010/1420

不少朋友去旅行都喜愛早去晚返，可以提前抵達日本，盡情玩個夠，不過對於打工仔而言，星期五早放工或者請半日假出發，抵達食個拉麵或壽司，回程當日提早回港，還可以好好休息才迎接返工地獄，都算是個快閃旅遊好選擇。

不過有興趣就要留意，皆因航班價錢來回連稅要$6,000以上，絕對唔算便宜，變相大幅減低吸引程度，單純為求快閃可以考慮廉航或者留意機票優惠。