港男隨女友遊泰日日食芒果糯米飯「點解信KOL話間間芒飯唔同味」

有港男於網上長文抱怨女友，講述有次去泰國旅遊時，因女友聽信KOL及YouTuber建議，深信泰國芒果糯米飯碟碟不同味，連帶他都要日日都食芒果糯米飯，陷入輪迴地獄，食足10日，幾乎精神崩潰！

港男隨女友遊泰日日食芒果糯米飯「點解信KOL話間間芒飯唔同味」

港男於連登討論區LIHKG發文抱怨，指日前歷經家人勸阻及防疫政策改動問題，幾經辛苦才能與女友出發去泰國，本身打算開心出遊，未料女友出發前看得太多KOL及YouTuber的推介影片，結果出晒事！

港男講起女友，話出發前「條女煲佢哋啲片煲到上晒腦，Mark咗幾十間餐廳，幾千個打卡位」、「佢地講乜都當係聖經金句嘅程度」，本身還認為無問題，以為「日日食唔同嘢，去唔同地方，應該幾正」，但一時忘記女友是個甜品控，誓要「食晒佢地介紹嗰啲甜品」，結果造就出一場「芒飯地獄」。

港男稱，他們目前為止已經連續10日食芒果糯米飯。第一日還能夠開心欣賞，過幾日卻已經生無可戀，腦海不斷浮現一句：「點解嘅，點解我仲係食緊嘅」，更懷疑人生道：「點解我條女會信間間芒飯都唔同味嘅，點解每日去嗰間都會好好食嘅，點X解嘅......」，悲慘經歷備受不少網民關注。

網民笑稱事主已經變成「芒果糯米人」，留言建議事主「去完旅行就感建分（感情問題一律建議分手）啦」。亦有網民認為事主女友要執着於芒果糯米飯，久違3年抵達泰國，其實還可以嚐嚐真多冰、椰青、千層榚、椰汁榚等多款甜品，同樣好味。