荃灣茶飲店疑賣曱甴奶茶！事主曝光相片嚇壞網民　店家未回覆

【花羡沐嵐】荃灣路德圍出名多美食，花羡沐嵐是其中的大熱茶飲店之一，吸引不少食客到場買飲料。不過最近有荃灣居民爆料，話自己買到「曱甴奶茶」，附圖嚇親不少網民！

荃灣茶飲店花羡沐嵐疑賣曱甴奶茶！受害者曝光相片嚇壞網民　店家未回覆

有網民於Facebook群組「荃灣友」內發文內，指控荃灣路德圍一間茶飲店售賣「曱甴奶茶」。該網民上載相片中，清晰可見一杯茶飲杯，目測已喝掉至少三分之一，只見一隻曱甴露出水面，手腳環抱飲管，畫面相當嚇人。

好食玩飛Instagram官方帳號開咗啦！請Follow我哋：https://bit.ly/38tlS4l

事主於貼文中披露，「曱甴奶茶」是該區人流暢旺的茶飲店「花羡沐嵐」所售賣，並在留言中表示，目擊到此遭遇，已令他造成心理陰影：「打後7日我都唔飲呢類飲品，乖乖地飲支裝茶算數，堅嘔心」。有網民質疑店員為何未有提前發現情況：「即刻整既點會見唔到啊」。

有網民則難忍笑意。留言討論：「加料要加幾錢」、「明明就係紅棗珍珠奶茶嚟」，又話曱甴環抱飲管的動作好似杯緣子。

有網民則認真研究相片，指：「仲未死喎！佢捉住飲管」，又推斷：「嗰條街好多小強」、「咁大隻一定係坑渠出嚟，好多細菌」，並建議如有類似情況應盡快向食環署舉報。亦有網民表示曾經亦遭遇相當經驗：「我之前係依間舖頭都試過咁，俾返個職員睇，佢仲要扮冇嘢」。

不過有網民質指控事主發佈的相片並非位於荃灣店，質疑事件有可疑，不應該亂下結論。《HK01》好食玩飛記者正向「花羡沐嵐」查詢情況，暫未獲回應。