天氣影響飛機延遲 港人情緒失控拳打地勤眼睛:做得依行預咗畀人打

疫情逐漸受控，航空業逐漸復蘇，不少港人都興致勃勃計劃去旅行。最近有從事機場地勤的網民網上投稿，稱天氣影響導致飛機班次延誤，有港人因等候良久而情緒失控，一拳揮打地勤職員眼睛，其後更指地勤人員「做得依行預咗畀人打」。

天氣影響飛機延遲 港人情緒失控拳打地勤眼睛:做得依行預咗畀人打

近日有機場地勤人員向Facebook專頁「西店Hi客之道 Hispitality Secret」投稿分享工作經歷，提及到曾因天氣影響導致飛機班次延誤，遇見有客人情緒失控而暴打地勤職員，暴力行徑相當惡劣。

投稿者表示，事發當日收到北海道大雪影響，飛機無法於北海道當地機場着陸，通往當地的航線需延遲3至4小時。當時一名男性旅客疑因耽誤行程，態度惡劣質詢投稿地勤人員：「究竟幾時會飛」，投稿地勤人員則禮貌回應：「唔好意思啊先生，因為北海道撞正落大雪，機場跑道封咗，所以我都唔係好清楚。我哋都等緊通知，有最新消息會通知返大家。」

該男性旅客聽聞後情緒失控，忽然動手拳打一名女性地勤人員的眼睛。女性地勤人員被打後難忍屈辱原地爆喊，投稿地勤人員看不過眼，憤而回應：「 先生！你有無搞錯啊，天氣問題我哋都唔想㗎，你喺度鬧我哋我都算啦，你都唔洗打人㗎！」卻獲男性旅客回應：「做得依行就預咗」。

投稿地勤人員在投稿內文中表示，當下他回應：「係啊，我哋預咗會有啲咁嘅事發生，咁你做得出啲咁嘅事，都預咗我會做啲咩㗎啦！」致電警方請該男性旅客離開登記登機閘口，通知航空公司將該旅客列入黑名單，並於1年內不得踏入機場範圍。

投稿地勤人員表示：「其實去旅行都係想開心啫，搞到件事咁大何必呢？而且其實佢等多半個鐘就有得上機。」認為出手傷人行為得不償失。網民得悉後表示：「啲客係機場入面搞呢啲嘢預咗死硬」、「打人嗰個真心癲」、「有啲公司會叫同事美其名就和解，實際係啞忍」、「打人靈魂之窗 有冇賠錢呀」，普遍不贊成使用暴力解決行為。

有網民指：「最憎香港客」、「咁老實講，好多香港人去到外國都好失禮，直程同我哋口中講嘅中國自由行係無咩分別。」亦有網民則表示：「咁我又覺得每個國家都有黑人憎嘅客人嘅，不過大部份嘅香港客都好西」、「我會覺得因為我哋主要見嘅客都係香港人先會覺得西客多。其實我見過有鬼佬西客、大陸西客，各款西客有唔同嘅西處。」