天星小輪減班｜過海買嘢要預時間！渡輪提早尾班船+下層暫停載客

【天星小輪】因疫情影響，最近天星小輪宣布縮短服務時間，以及關閉來往中環及尖沙咀渡輪的下層客艙，會乘搭渡輪過海外出購物、行街的大家要預鬆時間，天星小輪乘客要注意！

最近疫情嚴峻，渡輪公司宣布將縮短天星小輪服務時間，來往尖沙咀及中環、灣仔的渡輪航線都受到影響，而渡輪公司亦會關閉來往尖沙咀及中環的天星小輪的下層客艙，天星小輪乘客要注意喇！

天星小輪削減班次＋提早尾班船

渡輪公司宣布由即日起調整天星小輪服務時間，直至另行通知，以便加強渡輪清潔。來往尖沙咀及中環、灣仔的渡輪航線都受到影響，頭班及尾班船時間都有所改變，同埋亦會削減班次，會乘搭渡輪過海外出購物、行街的大家要預鬆時間喇！

來往灣仔/尖沙咀渡輪提早尾班船

來往灣仔及尖沙咀航線頭班船時間不變，於尖沙咀開出的尾班船由晚上10時50分提早至8時50分，於灣仔開出的尾班船則由晚上11時提早至晚上9時；班次方面，非繁忙時間將會減至20至22分鐘一班，下午繁忙時間為12分鐘一班。要乘渡輪過海的大家要注意尾班船時間！

來往中環/尖沙咀渡輪縮短服務時間

而來往中環及尖沙咀航線亦有縮短服務時間，頭班船由早上6時30分延遲至7時，以及由晚上11時30分提早至9時停航；全日班次則會減至10至12分鐘一班。大家要留意不要錯過尾班船時間喇！

下層客艙暫停載客

另外，渡輪公司亦宣布由即日起，暫時關閉來往中環及尖沙咀渡輪的下層客艙，直至另行通知，同時上層客艙改收下層價錢，大家只需要付下層船費便可往上層客艙，節省$0.6。

網民反讚：搭上層收下層價，封下層唔係為咗迫人搭貴啲！

消息一出，不少網民都表示理解，指疫情嚴重導致載客量大大減少，不選擇暫時停航而是調整服務時間已經十分為乘客著想，「最驚天星（小輪）頂唔住！」、「呢啲時勢封下層，唔係為咗迫人搭貴啲，真係好難得！」、「有良心！」

亦有網民表示，封下層會令殘疾人士及其他行動不便的人士不方便，「鍾意搭下層唔係因為平少少，而係唔洗行咁遠同埋上樓梯！」並指希望希望疫情穩定之後盡快重開下層。