彌勒山芒草2021｜昂坪芒草路線　新手2小時輕鬆行完！附路線詳情

【彌勒山芒草2021】一文睇彌勒山行山睇芒草季節時間、行山路線、交通，以及彌勒山郊遊徑路線難度、注意事項等，新手都可以輕鬆行彌勒山睇芒草！

（以下為去年彌勒山芒草相片）

芒草季節為每年10月尾至11月初，說起芒草行山路線，大家可能會最先想起大東山芒草、但是其實大東山比較多梯級，新手也許會感到吃力。今次要介紹的彌勒山芒草行山路線適合新手，大家在芒草季節可以去行彌勒山睇芒草！

位於昂坪以北的彌勒山是香港第8高的山峰，而彌勒山郊遊徑則圍繞整個彌勒山山腰，前半段以沙石路為主，後半段則是石屎路及木棧道，整條路線都十分平坦，因此新手2小時就可以輕鬆行完。

觀賞彌勒山芒草的最佳時間在每年10月底至11月中，大家可以把握時間去睇芒草。

彌勒山郊遊徑交通

於東涌乘搭23號大嶼山巴士或昂坪360纜車，到達昂坪市集後，穿過昂坪廣場後跟路牌指示前往至彌勒山郊遊徑，經過旅舍後向昂坪營地方向繼續走，在「東山法門」附近的郊遊徑入口就是今次的起步點。

一開始會途經通往心經簡林的昂坪棧道入口，木製的棧道超日系！頭頂更不時有纜車經過，大家不妨行多兩步打卡。

彌勒山芒草打卡位

一開始前半段沙石路較多，所以記者建議穿厚底的運動鞋前往。一直沿纜車軌道往東涌方向行，起步行鳳凰徑第四段，一路直行至分叉位再沿纜車軌道往東涌方向行，就通往彌勒山纜車轉向站。

臨近山頂都已經開始見到金黃芒草，再行上少少，就可見到整個山頭都是金黃色的芒草！如果遇上日落時間行山，更可在陽光底下見到金光閃閃的芒草，影相效果全日最靚。不過記得出發前要帶備電筒下山。

記者建議大家可以走近芒草拍照，營造出被芒草海包圍的氛圍，不過不可為了打卡隨便破壞芒草。

打卡後可沿路下行至彌勒山纜車轉向站，可接昂坪棧道往昂坪或東涌離開，不過這段下山路較為崎嶇，記者亦建議原路折返。

彌勒山郊遊徑

路程：3.9公里

需時：約2小時

難度：1.5/5

交通：於東涌乘搭23號大嶼山巴士或昂坪360纜車，到達昂坪市集