將軍澳一日遊5大好去處　新開純白文青NOC Coffee/海濱浪漫賞日落

NOC Coffee進駐將軍澳開分店！「NOC Papillons & Bakery」佔地4,000呎，設計簡約有格調，咖啡愛好者、文青們又有好去處可以行喇！《香港01》旅遊記者精選將軍澳一日遊5大好去處，包括新開NOC Coffee、海濱旁文青cafe JOMO、單車館公園賞花。

【第一站】☕新開4,000呎純白cafe@NOC Coffee

曾入選全球50間最佳咖啡店的NOC Coffee進駐將軍澳開分店，新分店佔地4,000呎，採用落地大玻增加空間感，設計以純白色、水泥灰為主，加上座位旁的綠色植物陪襯，環境舒適。新分店更設有烘焙空間，每日新鮮製造麵包蛋糕。店內新設祼買零廢棄咖啡豆區非常環保，點下圖即睇環境、美食

NOC Papillons & Bakery
地點：將軍澳唐俊街21號翩滙坊地下1A號舖
營業時間：星期一至日8am-8pm
*現因應疫情營業至晚上6時

【第二站】🐶海傍文青Cafe歎咖啡@JOMO

文青好去處點只一間！將軍澳海傍的文青cafe JOMO一定啱你！Cafe分為露天及室內位置，最重要可以邊睇海景邊歎咖啡，可以瘋狂打卡，室外座位更可以帶埋寵物，適合情侶拍拖、閨密相聚。最受歡迎的有各款口味的戚風蛋糕、卷蛋，仲有酸種麵包，按下圖即睇有邊款推介😋😋

JOMO Kitchen & Health Hub
地址：將軍澳唐俊街23號澳南海岸MONTEREY PLACE地下G01號舖
營業時間：星期一至五 09:00 - 18:00、星期六至日 09:00 - 20:00

【第三站】🌺睇天空之鏡兼賞花@將軍澳單車館公園

想享受家庭樂，不妨去將軍澳單車館公園野餐、賞花！春天睇櫻花，原來秋冬都可以觀賞矮牽牛，顏色鮮豔最適合與小朋友影相。公園內有多項遊樂設施，包括緩跑徑、兒童遊樂場，仲有人工湖、模型船池、中央大草坪等較靜態的設施。想野餐嬉戲可以去大草地、想放電就去兒童遊樂場大玩特玩。有一個位置仲可以睇天空之鏡？按下圖即睇😍😍

將軍澳單車館公園
地址：將軍澳寶康路105-107號
交通方法：港鐵將軍澳站A1出口，左轉直行至唐明街，右轉步行至寶康路即可到達

【第四站】🌅黃昏浪漫散步睇日落@將軍澳海濱公園

賞完花可以去海濱公園散步或者踩單車，情侶們依偎在一起漫步海濱，非常浪漫。不過睇日落美景才是重點！海濱長廊連接將軍澳、調景嶺和康城，公園內設有單車徑及緩跑徑，仲有一個觀景台，可以望到港島小西灣附近景色。想知邊個位睇日落最正？按下圖即睇🌅🌅

【第五站】🥐前主播黃婉曼開設cafe烘焙店@RISE Kitchen

RISE Kitchen由前天氣主播黃婉曼開設，集Cafe、麵包甜點烘焙店於一身，經過店鋪可以買健康手工麵包，亦可以坐下來歎咖啡機及輕食。店內環境寬敞開揚，落地大玻璃附近座位引入自然光，感覺溫暖舒適。對手工麵包有興趣的朋友，更可以跟烘焙師傅學做麵包。點下圖即睇環境、美食🥐👇👇

RISE Kitchen
地址：將軍澳唐賢街29號藍塘傲地下4號舖
營業時間：星期一、三至日 10am-8pm
逢星期二休息

想知更多有助放鬆心情嘅香港好去處，例如離島、沙灘、單車、郊遊路線，click 入專頁睇更多推介！👉👉香港好去處｜假日郊遊、離島放空、單車路線、食玩打卡｜不斷更新

😍😍😍 同場加映：將軍澳DONKI開幕獨家柚子豬　超齊凍肉蔬果　75款$50以下火鍋料 😍😍😍

食飽後不妨行下超市掃貨！Don Don Donki上月進駐將軍澳，分店佔地約16570呎，海鮮、肉類、醬料、蔬果、天氣凍必買的火鍋配料通通都有齊，一應俱全。肚餓的話，店內的熟食區幫到你，更有限定北海道5.0牛乳軟雪糕、限定牛丼等。點下圖即睇將軍澳Donki環境、各個區域😎👇👇

想知將軍澳Donki有甚麼必買，立即點擊內文 👉👉將軍澳DONKI開幕獨家柚子豬　超齊凍肉蔬果　75款$50以下火鍋料