【日本．打卡】阿倍野HARUKAS 300 堅離地大阪最高靚景

在日本一般建築物都不會太高，但在大阪天王寺你會見到一幢鶴立雞群的大廈，就是「阿倍野HARUKAS 300展望台」！相信曾上過這座樓高 60 層樓，離地300米高的展望台，都會為看到整個大阪風景而感到amazing；如果話你知，依家有機會上埋天台，無拘無束咁睇晒大阪靚景，會唔會心郁郁想試吓上高啲、睇遠啲？

上到頂樓就立即欣賞到一望無際大阪靚景，四周都是落地玻璃，能360度飽覽風景，天清氣朗甚至可以遠眺京都、大阪城、淡路島等遠處風景。

大樓本身是一幢複合式建築，最底層是百貨公司，對上樓層就有辦公室、酒店、美術館等等，要上觀景台就先搭電梯到16樓，再行幾步轉乘另一部電梯上60樓。

見到遊客走近空中花園對開窗戶，抬頭眼望望，究竟望乜嘢？

原來HARUKAS 300怕大家欣賞大阪風景時唔夠離地，由3月起推出「EDGE THE HARUKAS」體驗，可以行上大樓最頂端 -- 天台！穿上保護衣服及安全措施後，穿過約60公分闊、長20公尺的走廊上，親眼欣賞無任何遮蔽物的360度絕景！

就算平日日子，中午時份去玩都排長籠，記者就等了一小時才玩到，建議早一點去唔駛等太耐有著數。（早上10點開門）

指示牌話你知，上到天台觀景欄嘅闊度有多闊，中等體形都OK，如果太胖...恕不能招待。

參加者會扣上安全帶，行樓梯上觀景欄停留約7-10分鐘，一頭一尾的導賞員會向參加者講解步驟，每一步都跟導賞員指示才可轉身或郁動，真係好安全。

一場來到，無理由唔試吓咁刺激嘅高空體驗；記者一馬當先走到 60 樓的接待櫃檯，額外畀 JPY1,000（約$70）去玩EDGE THE HARUKAS。注意，入場費不包括玩EDGE THE HARUKAS，需另外畀錢咖。

下面睇更多記者體驗分享：

要去HARUKAS 300非常方便，搭JR到天王寺站下車，旁邊最高一座大廈就是了！

Harukas300展望台

地址：大阪府大阪市阿倍野區阿倍野筋1丁目1番43號

交通：乘搭JR到天王寺站

觀景台入場費用：成人（JPY1,500，約$105）、12-17歲高中生（JPY1,200，約$85）、6-11歲小學生（JPY700，約$50）、4歲以上幼童（JPY500，約$35）

營業時間：9am-10pm（年中無休）

「EDGE THE HARUKAS」

舉辦日期：2018年3月7日起至另行通知

開放時間：10am-6pm

費用：JPY1,000，約$71 （大小同價）包一張紀念照

注意：

1.小朋友身高需最少達145cm高，小學生或以下人士必須有18歲以上成年人陪同才可參加。

2.不能預約，要親身在現場報名。