【特別飛機餐】雲海點糖尿病飛機餐擺烏龍 特別餐單有乜揀？

上年曾爆血管中風的前電台主持陳雲海，一直活躍於社交媒體，而自從患病後他表示為健康著想對飲食十分小心，但今日在其Facebook又忍唔住呻，他指早前出發往日本曾向航空公司兩次確認了糖尿病飛機餐的要求，但原來空中服務員擺烏龍，派錯了本屬於雲海的特別餐給其他客人。一般航空公司會因應客人不同需要，而訂製出五花八門的食物款式，例如雲海嘅糖尿病餐單，又睇吓以下有咩特別餐單係你聽都未聽過嘅！

其實大部份航空公司都會為客人訂製特別需要嘅飛機餐，但前題係要預早聯絡航空公司安排，不建議上到飛機臨時有「特別需要」才要求你想要的飛機餐。而最多人點的特別飛機餐當中，首選都是兒童餐、素食餐及水果餐。小朋友吃兒童餐最講求相可愛吸引，亦要預製容易吞嚥的主菜類或蔬菜蓉、果汁或甜食等等，進食方法不能太複雜。而素食餐要兼顧到不同客人健康、宗教理由等等各種原因，甚至嚴格分為含蛋奶製品素食餐、不含蛋奶製品素食餐、印度素食餐、東方素食餐等等好鬼仔細。

最細心飛機餐 --  ANA 

切合日本人一貫心思細密及認真態度，ANA 連設計飛機餐都仔細都無論。例如在為不同宗教人士訂特別飛機餐時，有印度教餐、伊斯蘭餐、猶太餐，甚至係耆那教素食餐！有無聽過耆那教？耆那教的信徒主要在印度，嚴格限制殺生，甚至連昆蟲都不想殺害，基本上耆那教徒不吃蔬菜的根莖類，他們認為這樣會傷害到植物的生命。所以其飛機餐單中沒有肉魚海鮮、蛋，也不含任何根莖類蔬菜，如薑、蒜、洋蔥、馬鈴薯等等食物，非常嚴格！

頭等或商務艙可歎靚香檳、紅白酒 -- 國泰航空

國泰航空提供的特別餐單與其他公司大同小異，但略有不同的是可提供「流質餐」，即只含流質、湯、果汁、菜蓉、蛋羹、果凍等食物，方便有需要長者/吞嚥困難的人士。另外，只要坐頭等或商務艙的客人，便可以歎靚紅/白酒，網站指有多達80種來自法國、意大利、奧地利、南非、澳洲、美國及紐西蘭的葡萄酒因應氣候季節收成等輪流供應，真係一分價錢一分服務。

ANA特別餐資料：www.ana.co.jp

國泰航空特別餐單資料：www.cathaypacific.com

香港航空飛機餐資料：www.hongkongairlines.com

聯合航空特別飛機餐資料：www.united.com