【認定你是朋友】名雖改愛常在　專訪Pokemon世界賽本地高手

《Pokemon GO》大家玩得多，更對當中的寵物小精靈相當熱愛。但在香港，有一批Pokemon訓練員可能比你及我更加熱愛這個作品，為了成為世界知名的寵物小精靈大師而日夜奮鬥。說的就是《Pokemon World Championships》的香港區選手。最近新一屆的地區計分賽就在東港城舉行，看看一班小精靈訓練員有何感想。

LOL或者CS的e-Sport大家聽得多，不過可能你未必知道，其實Pokemon都有e-Sport《Pokemon World Championships》。比賽的項目分為Pokemon TCG（Trading Card Game）以及Pokemon的電子遊戲，包括手提機的《Pokemon》遊戲及近年追加的格鬥遊戲《Pokkén Tournament》。綿標賽舉行至今踏入第九年，依年齡層分三級組別，上年的總獎池超過了50萬美金，當然對比起獎金，能與世界頂尖高手競技或嬴得比賽，對Pokemon愛好者來說才是無價。

《Pokemon World Championships》早前在東港城就舉行了香港區的計分賽，勝出者有機會代表香港出戰世界綿標賽，不少Pokemon的超級Fans都擁躍參加，有的拿著3DS的《Pokemon Omega Ruby/Alpha Sapphire》，有的拿著卡牌凝神對局，兩批玩家令商場變了一個戰場。

而本地其實都有專業級的Pokemon玩家，當日有5位全球排名TOP100的香港選手就有份參加賽事，包括在亞太區排名第22位的Hugo Ng、曾於世界賽大師組別取得第8位的Lam Wai Kit、以及世界賽高級組別第16位的Esmond Leung等，每一位都毫無疑問是Pokemon的愛好者，有望出線為香港出戰。

難得一次過見到多位高人，當然要問些遊戲秘訣、如何上手之類。雖然TCG看似是一門很考腦筋或者很複雜的遊戲，但高手們表示其實Pokemon TCG也沒什麼門檻，如果怕買了實體卡包但無從入手，可以先在官網下載程式免費試玩。「免費試下基本嘅卡, 先試下點玩同熟習下流程, 慢慢就可以去卡鋪買卡組, 再出嚟參加下卡聚或者小型比賽, 好容易可以學到點玩。」他們亦表示，現時Pokemon TCG未去到像運動的田徑那樣，可從畫面明顯的分到普通玩家或專業玩家。要成為選手，反而是肯花時間及心機更為重要。「可能有啲玩家投入多啲精神時間，專登搭飛機去其他地方比賽，儲多啲分，呢啲係一部份將目標set得高嘅玩家，同普通玩家當娛樂咁玩嘅分別。」

最後因中文譯名「精靈寶可夢」的抗議事件，曾經令任天堂考慮變更香港區賽事，最受影響的可能是這幾位選手。問及對此事怎樣看，各人似乎也有類似的看法：

一樣嘢無論個名係點，你對佢嘅愛係唔會變。好似你識一個朋友，佢改咗名，冇理由因為佢改咗名而同拒絕交。我唔會主動叫佢做皮卡丘，但我嘅觀點唔會有任何負面影響，呢個始終都係商業嘅決定。我都明白任天堂，廣東話同普通話同國語，呢三個語言都係用同一類文字，用同一個譯名其實比較方便。 所以都要諒解作為商家嘅決定係合理。

有啲商業決定係改變唔到，但係我哋localize既translation 比卡超、皮卡丘, 其實台灣同香港都有player發聯署希望喚醒全世界嘅關注，我都寫咗英文嘅呈請信，全世界都有好多外國媒體報導過呢件事，我諗香港任天堂都知道，會迎合返。

香港任天堂都知道發生咩事，都唔會用中文名稱去稱呼，會叫pokemon同pikachu，唔會叫精靈寶可夢，會叫精靈pokemon，香港任天堂係想做中間人，因為決定權喺日本任天堂。官方有關著呢個問題，但需要時間磨合。

其實筆者也很明白Pokemon中文化的重要性，看看Pokemon TCG的比賽都是英文，而Pokemon 3DS的比賽就一堆日文。不講比賽，對於只是想參與試玩的新手來說，語言就已經是一個門檻，而統一譯名對大家來說也是行之方便（筆者細個也是玩日文遊戲大，但總不能用此來以己度人）。當中Hugo的想法也令筆者印象深刻，仿佛道出歌詞「I LOVE POKEMON！認定你是朋友，打開心中的愛便能用盡力量」。