睇世界盃Now E盒子同App一齊上架 想睇波有乜要注意？
獨家播映2018 FIFA俄羅斯世界盃全部賽事的Now E終於正式在App Store及Google Play正式上架，更連同首個盒子睇世界杯的androidTV盒子一起推出。想睇世界盃去邊度download？準備買pass的有什麼需要注意？即刻為大家介紹一下。
首先，若果大家想安坐家中在電視屏幕睇世界盃，可以考慮購買由now跟Google合作推出，首個在香港市場官方推出的androidTV盒子。定價$1,288，除了已經包括全部64場世界盃賽事的通行證之外，更包括HBO GO、MOViE MOViE PLAY、Now爆谷電影及劇集、ViuTV頻道99（以上優惠期至7月31號）及12個月的免費Viu劇集。同一個帳戶更可以登入5部手機、平板等不同裝置，並可以同時在其中2台裝置中作串流播放。計落其實幾抵玩。
|
Now E androidTV盒子相關消息（按圖放大） |
若果不願意花太多錢的朋友，亦可以在Android或者iPhone手機下載Now E App，現時登記免費，可以免費一個月收看Now E的內容。由於總共有19場免費的世界盃賽事會在Now E上直播，當中包括開幕、頭2輪分組賽的精選賽事、16及8強精選賽事、4強戰及總決賽，若果這個陣容已經滿足到大家的需要，大可以就以這種方式欣賞到接近3份之1的2018 FIFA直播。而同屬HKT旗下的The Club及Club SIM亦會送出100萬張不同賽事的免費Pass，大家亦可以留意《科技玩物》另文介紹索取免費通行證的方法，及著數最大化使用通行證的攻略！
|
Now E登記免費試用一個月流程（按圖放大） |
當然，大家亦可以透過Now E的App購買世界盃全部64場賽事直播的通行證（$980），或者購買由付費開始計算24小時的一日通行證（$98），去觀看愛隊的賽事直播。提一提大家一件事，Now E的App已經由即日（5月28日）起在App Store及Google Play上架，大家只需以電郵、電話號碼及信用卡登記，Now E的服務會在1個月後試用期後才正式開始收費。若果大家想Now E可以等睇波時有其他節目選擇，就要好好把握啟用試用期的時間。今年2018 FIFA俄羅斯世界盃將會在2018年6月14日至2018年7月15日期間舉行，以下就是iPhone及Android下載Now E的連結。