交7億電話費係咩玩法｜跪友分享排隊奇觀：玩每6秒1蚊咸濕電話？
撰文：長濱睡睡
出版：更新：
交7億電話費係咩玩法｜跪友分享排隊奇觀：玩每6秒1蚊咸濕電話？｜Threads民超活躍，不斷分享所見所聞，近日有跪友在排HKBN自助交費機，驚見前面大叔的電話費高達：7億3868萬！！！！究竟發生咩事？連登仔笑言：實係打咸濕電話每6秒1蚊唔記得收線 😂
網民：要傾134年咸濕電話先用到7億
根據相片所示，樓主前面一位老人家以自助繳費機交費，明顯應繳金額為：$738,636,800！帖文有高達14萬人次瀏覽數，多達200幾人留言，網民笑言「笑死，七億幾上網費幫全香港交？」大部份網民都相信是系統出錯，但能從背影中想像到阿叔有幾震撼：「齋睇啊叔個背影都feel到佢呆L咗」、「阿叔數完個數字有冇暈倒要人工呼吸？」又笑言：「7億？燒畀你啦！」「7億自己起個私人5G network都得」「點充7億入八達通」，又指叔叔可能「打咸濕電話每6秒1蚊唔記得收線 😂」更有好事之人用AI代叔叔計數，要打134年咸濕電話，才能積累到7億電話費。