【番茄食譜】番茄肉碎炒蛋15分鐘美味拌飯菜 2招增強抗氧化功效
撰文：鄧穎琪
出版：更新：
番茄炒蛋就食得多，但除了兩者的組合外，加上其他配料也是沉悶中帶新鮮的配搭。今次介紹的番茄肉碎炒蛋，不但有番茄和蛋，還加了免治肉碎及豆腐，吃起來相當開胃，簡單又多汁，是筆者經常用來帶飯的菜式。
番茄肉碎炒蛋是其中一樣筆者經常煮的餸菜，眾所周知番茄當中含有天然抗氧化劑——茄紅素，具抗衰老、提升免疫力等功效，如果想保存更多的茄紅素，烹調時主要有兩個重點。（1）茄紅素是脂溶性營養素，以油烹煮才更易被人體吸收，因此熟食比生食更有效益。（2）茄紅素多集中在番茄皮內，因此最好連皮食。
不過，筆者有時候會去皮，步驟是先在番茄底部𠝹一個十字，放於滾水烚煮一會，直至外皮開始離肉，即可撈起放入凍水，如此就可輕易剝出番茄皮。番茄本身難以炒腍，用這個方法可節省炒番茄的時間，亦令茄蓉完全跟茄汁混和，吃起來味道更豐富。
煮這個餸一點也不難，惟獨要注意分開處理食材，個別炒至7、8成熟，最後才連醬汁拌炒均勻，因為每種材料煮熟的時間也不一，故需要分開煮。不過，炒完雞蛋鑊會比較髒，要洗鑊，筆者建議炒食材的次序為豆腐、免治豬肉、蛋和番茄，不用洗太多次鑊都做到理想效果。
健康小貼士：
番茄以含有豐富茄紅素見稱，它是天然的抗氧化劑，抗老功效一流，但必須和油配合，才能容易釋放及被人體吸收。除此之外，番茄亦有磷、鐵、鉀、鈉、鎂及維他命C等，每日只需吃2個番茄，就能滿足人體每日所需的維他命C含量，而箇中的纖維質就有助預防攝護腺癌和乳癌。
攝影、攝錄：呂志豪
剪接：鄭偉賢
相關食譜：
【番茄豬扒食譜】酸甜啖啖肉深得大人小孩歡心 片糖煮醬汁更健康
番茄肉碎湯飯食譜｜酸甜醒胃特製濃郁番茄湯3貼士 炒番茄用咩火?
黃淑儀番茄炒蛋8貼士 拂蛋有竅妙？加1物味道層次昇華｜Gi味俱全【番茄炒蛋食譜】番茄點煮抗氧能力更高？快速煮腍有妙法【蔬菜食譜】豆角炒肉碎簡單便宜 加麵豉惹味去青澀【薯仔食譜】薯仔粒炒牛肉碎夠惹味 簡單易煮佐飯菜【豆腐食譜】肉碎蒸豆腐低卡有營 輕便家常菜$20都唔使！