【三餸一湯食譜】檸檬手撕雞+苦瓜炒蛋+蒜蓉蒸開邊蝦+消暑滾湯

夏天天氣熱，留在廚房煮餐飯都弄得滿頭大汗，當然想快些煮完快些有得食啦。所以今次「三餸一湯」就示範幾道15分鐘內可煮完的菜式，再配上一個滾湯，想慳時間一定要學！

三個餸之中有兩款白肉，包括雞和蝦，先來一道清新的「檸檬手撕雞」作頭盤，製法專為懶人而設，檸檬陳醋辣椒汁十分有層次，更為醒胃。炒蛋的配搭多到數不盡，而今次便是「苦瓜炒蛋」，因為5月起正是苦瓜當造的日子，我們也當然要不時不食啦，即使只是15分鐘，但足以成功去走苦瓜的苦味，剩下的是淡淡的甘味。「蒜蓉開邊蒸蝦」是一道十分惹味的菜式，蒸蝦並沒有很花巧，只用蒜汁調味及提味，簡簡單單，伴飯卻一流。

再來是一個簡單的滾湯，選了同樣於夏日當造的冬瓜，以及冬菇等等，滾成清熱消暑的「冬瓜冬菇瑤柱肉粒湯」，食材通通切粒成一口大小，除了直接飲，還能「一雞兩味」，加飯煮成湯飯，是不是很方便呢？

因滾湯需時約45分鐘，建議煮飯的時候先做湯，再一邊煮餸，這樣保證1小時內完成一餐飯！

【雞食譜】檸檬手撕雞懶人版　酸甜開胃2隻雞髀15分鐘搞掂！

【炒蛋食譜】苦瓜炒蛋清爽滑嫩　15分鐘簡單小菜夏天必備

【蒜蓉開邊蒸蝦食譜】15分鐘家常菜　鮮甜惹味零失敗

【夏天湯水食譜】冬瓜冬菇瑤柱肉粒湯　清熱滋陰適合流汗後飲用

剪接：潘諾兒