【喜茶香港】第4間進駐尖沙咀！全港最大2,500呎＋迷你版金玉茶

賣芝士奶蓋茶一炮而紅的喜茶，第4間分店即將登陸尖沙咀！新分店暫為全港最大，有近2,500呎，相對銅鑼灣闊落，新店開幕推出迷李版樽裝茶飲，樽可重用，加上細細支方便攜帶，粉絲們又要再Mark實日子潮拜茶飲！
攝影：唐家儀

喜茶尖沙咀插旗　全港最大2,500呎堂食店

喜茶事隔一個月，已在尖沙咀開第4間分店，於3月23日開幕。

新店推出迷你版飲品，細支可以試飲其他飲品，加上樽細可重用並方便攜帶，是個買茶新選擇。但由於這店不是外賣店，不能用手機外賣app，各位又要排隊才買到芝士奶蓋茶。

按圖睇睇「喜茶香港」新店有咩飲先！

銅鑼灣店首推迷你版雪糕系列

銅鑼灣時代廣場店開幕時，已推出多款雪糕。份量大，又唔貴，但吃不完又浪費，於是今次就推出迷你版軟雪糕，同樣是茶王口味，份量減少，價錢又平啲，用來過口癮最好不過。

雪糕口味有經典的茶王口味，另外有芒果和黑糖珍珠雪糕。雪糕夠軟滑，值得一提是配料部分，好多餡料，而且芒芒雪糕裡面的脆波波，即荔枝口味的珍珠，很Ｑ彈，是特別又好味的配料。

按圖睇茶茶雪糕系列有咩雪糕食！

銅鑼灣時代廣場分店不設堂食區　主打快速外賣

新店比沙田店細小，不設堂食區，主打快速外賣，同樣又推出外賣自取App，解決排隊問題，又可以增加銷售數目。

按圖睇銅鑼灣時代廣場喜茶環境！

1,500呎沙田新店！全白簡約「遊廊」設計流相一流

一買到人龍店的茶飲，怎能不為飲品先來張寫真，再放上社交平台呃LIKE。正因此風氣盛行，店家也把店舖設計得「IGABLE」，意即專為INSTAGRAM而設的設計。喜茶沙田新店，以簡約全白設計，以走廊通道為靈感，將店舖變成一條有時尚感的「遊廊」，保證每個位置都可成為影相的背景素材。

按圖睇喜茶沙田店設計！

同場加映：飲品攝影小技巧

買到茶飲後，不管你之前有無飲過，我相信有九成人都會拿起杯子，想走到招牌公仔前影返張靚相，記者現場拍攝時，得到以下結論，

－由於公仔是鏡面，將飲品放正公仔前拍攝，好易爆光或過暗，再者無法完整地將公仔攝鏡（圖二）

－個人建議將飲品移開少少，在公仔旁邊，出來的效果會較好（圖一）

如你也拍到靚相，也歡迎分享攝影小技巧。

按圖睇「喜茶」飲品拍攝參考！

喜茶尖沙咀店
地址：尖沙咀K-11B1層B104號
開幕日期及時間：3月23日，10am

銅鑼灣店
地址：銅鑼灣軒尼詩道500號希慎廣場3樓330-331及326號舖

地址：銅鑼灣時代廣場B216

沙田店
地址：沙田新城市廣場一期L4, 408