【零食特集】便利店新品！海膽杯麵、鹹蛋蟹味天婦羅、咖啡流心糖

零食，陪伴著我們多少個愉快與寂寞的時刻。OT時、睇電視時、口痕時吃一吃零食，心情都好啲。為你集合城中12月零食新品，有新加坡大熱鹹蛋黃蟹味天婦羅紫菜、咖啡豆軟心糖等，讓你買到今期流行零食。

1. 新加坡大熱鹹蛋黃魚皮出新味！蟹味天婦羅紫菜

兩年前攻港的金鴨鹹蛋黃魚皮，將推出蟹味魚皮。加入辣椒蟹的鹹蛋黃天婦羅紫菜，未入口已經聞到一陣蟹的鹹鮮味。入口酥脆，鹹蛋黃味濃烈，喜歡吃辣的朋友們，可選擇辣椒蟹味，辣味挺強烈。

按圖睇鹹蛋黃蟹味天婦羅紫菜詳情！

推出日期：12月12日
銷售點：全港7-Eleven
價錢：$55

2. 韓國人氣咖啡店出品！咖啡爆漿軟心糖

韓國超人氣咖啡店Coffee Bean推出的咖啡軟糖，在韓國當地已經多人買，登陸台灣便利店都好搶手，今期終於登港。軟糖分了美式咖啡味和鮮奶咖啡味，一開包裝已經好香咖啡味，咬開軟糖會有咖啡漿流出，讓鮮奶咖啡味更濃烈。

按圖睇咖啡爆漿軟心糖！

銷售點：全線7-Eleven
價錢︰$13

3. 日本話題布丁登港！雪印焙茶布丁

日本便利店內的布丁，花款多不勝數，比例多人留意的品牌，雪印是其中一間。他們於九月推出秋天季節焙茶布丁，近期香港都吃到啦！

銷售點：全線7-Sleven

4. 彩色魚仔脆餅！車打芝士脆餅

用牛奶盒造型示人的彩色魚仔餅，造型挺可愛的。脆餅味道像芝士夾餅，雖然味道不會令你吃完馬上講好食，但就是會令你吃完一粒又一粒，停唔到口。

按圖睇車打芝士脆餅詳情！

銷售點：全線7-Eleven
價錢：$15

5. 點心麵限定新味！餃子味點心麵

童星點心麵粉絲們，今期新出餃子味和唐揚炸雞味闊條點心麵，打開包裝已經聞到好香餃子味，入口比原味濃烈一點，像是日式醬油的味道。

按圖睇點心麵詳情！

銷售點：Circle K便利店
價錢：$10.9

6. 辣到皺眉！湖池屋麻辣薯片

一直有出麻辣味薯片的日清湖池屋，今期出麻辣火鍋味。厚切薯片，入口有麻香味，吃完你應該會話，「都唔係好辣啫」不過10秒過後就會開始皺眉，記者給予同事試食時，同事扁嘴地說：「好辣啊！」證明薯片辣度後勁凌厲。

按圖睇湖池屋麻辣薯片詳情！

銷售點：優品360

7. 日本賣斷市即食蟹王麵出新味！豚骨風味蟹王麵

媲美出前一丁的伊藤蟹王麵出新口味，豚骨風味蟹王麵。

銷售點：優品360
價錢：$26.5/5包

8. 期間限定北海道昆布薯片

不愛吃太濃味薯片的話，海鹽味和昆布味應該合你心意。此兩款口味，比起原味濃一點，卻不會太搶過薯仔味道，不太濃又不會太無味。

按圖睇期間限定北海道昆布薯片詳情！

銷售點：759阿信屋
價錢︰$10.9

11月走漏眼零食系列！

限量版便利店美食一推出就好易賣斷市，海膽杯麵、Baileys 雪糕等，一推出要排隊排好耐先買到，我們幫你綜合11個月人氣零食，等你唔使走漏眼，今個月再出戰！

按圖睇11月走漏眼系列零食！