【網絡熱話】Drink Bar免費飲品屢遭偷走　貪心客洗掠過程曝光！

日前有報道指，全球最豪華郵輪宣佈退出中國市場，皆因眼闊肚窄的中國遊客瘋搶食物，搶完又將食物浪費掉，使得郵輪「被中國大媽吃垮」。香港網友將新聞當作笑話看，但從近年社會角落發生的事件中，發覺香港人同樣有「貪小便宜」的劣根性。銅鑼灣一間賣生活百貨的樓上舖，年前特地闢出其中一小角落作為Drink Bar，提供免費飲品供客人享用，讓他們能歇一歇息。
不過，昨日店主就發現Drink Bar的日本紅茶包、咖啡包甚至是紙巾等，全都被貪得無厭的「客人」取去，使店主相當失望，心淡宣佈：「我哋實在太傷心，唔想再受呢種傷害，drink bar服務即時停止。」

銅鑼灣霎東街一間日式生活百貨店，以代理家居用品、香薰精油及健康食品為主，獲不少客人支持，facebook約有8萬多名粉絲。而店主為報答客人，就參照日本人的經營方式，2016年起將舖內一隅設計成Drink bar，為客人提供免費飲品，店主解釋成立初衷：「SECRET CORNER drink bar嘅原意，想不斷加入日本嘅沖劑飲品，即使免費，都想客人每次唻（嚟）到都可試新嘢，將日本嘅drink bar生活小休閒喜悅帶唻（嚟）呢個小角落。」

Drink bar嘅出現，真心係想有個小角落，提供免費飲品，畀有需要嘅客人小休relax，畀老公/男朋友坐低舒服地等女人，湊住bb或小朋友嘅媽媽，亦可有個地方提供冷熱水畀仔女。見到客人休閒地喺drink bar嘆吓，有時影相打卡笑住開心住，我地（哋）都好安慰。

可惜事與願違，日本這一套在香港原來並不適用，因為實在有太多順手牽羊的貪心客人，店主昨晚在facebook發文指，有客人將Drink bar飲品包全部掏空，即使是紙巾、砂糖都全數不剩，令他非常傷心，並謂：「雖然d（啲）飲品、蘑菇湯、砂糖、紙巾唔值錢，正正因為唔值錢，映襯人嘅貪念更加恐怖……其實我地（哋）真係會唔開心……各位……對唔住，我地（哋）實在太傷心，唔想再受呢種傷害，drink bar服務即時停止。」

他放出了經打格的35秒閉路電視片段，見該名貪心客將飲品包等放進大袋中，還不時東張西望，之後又將盒裝紙巾逐一抽出，收進自己袋裡。店主描述當時情況說：「日本帶返唻（嚟）嘅紅茶包、咖啡包全部被袋走晒……砂糖都拎走晒……就連盒裝紙巾都唔放過，抽出嚟摺好袋走（原本預備出post同大家講，drink bar新加咗蘑菇湯，叫大家得閒上去試試，都冇晒了……）」

按下圖，有大媽清空Drink Bar的閉路電視片段逐格睇！

店主亦特地公開向該名客人說：「給：SC drink bar最後一位享用人，感謝欣賞我地嘅飲品，希望你不會浪費，好好品嚐，每一口都係心思。」

其實今次已非首次有貪心客人清空Drink bar，店主早在去年底已曾發文講過，每星期總有1至2次，Drink bar約莫30個飲品包會被人偷偷帶走，就連瓷杯、瓷碟及小木匙等亦無一倖免，本已令他相當無奈和氣餒，但非必要情況下他都不想結束營運Drink bar，並曾講過：「香港寸金尺土，drink bar嘅空間實在足夠商人們放貨銷售賺多點錢，但我地（哋）一直在堅持，所以奢侈地預設呢個屬於SECRET CORNER所有客人嘅小角落。其實有冇人體諒我地（哋）嘅用心？呢樣嘢係唔係根本唔適合喺香港出現……其實我地（哋）真係會唔開心。」

即使產品是免費供客人享用，但貪心客怕吃虧、貪小便宜的舉動確實令店主心淡，只得忍痛結束Drink bar，並貼上黑白相留言：「GOODBYE……香港不配有你存在。」

網民得悉事件後，都有分享自己見到在香港各處發生的同類情況，亦安慰店主，並大罵貪心客人。例如有客人就講起，早年麥當勞的茄汁和泰式辣醬其實以自助形式供應，不過幾日就被掃清光，結果麥當勞才將調味料等收到櫃枱內的位置，不供客人自取。然而最精景的還是有網友道出問題所在：「可惜一時自私的人，把原本可長遠和衆人一同受惠的機會剝奪了！」

按圖睇更多網民精彩留言！