【哈囉喂2018】屍營醫院食殘肢　生吞腦漿鉸剪（有片膽小慎入！）

農曆七月未過，萬聖節將殺埋身，年年玩鬼屋，越玩越多限制級，十級血腥驚嚇，傳來陣陣異味，活埋凶間，生葬頭七。
Do you want to play a game?
攝影：鄧倩螢

又要驚，又要玩，嚇到心撕肺裂，叫破喉嚨，貪戀玩鬼屋的勇士似乎感到暢快，懷著「咁多嘢驚，唔驚得咁多」的無懼精神，遇鬼打鬼，還請謹守秩序，否則扮鬼的人分分鐘驚過遊人。

來到第18年的哈囉喂，步入成人禮，過往青少年時代的哈囉喂，經已嚇餐死，今年自然「唔俾你走」。睇首輪宣傳片，繼續有羅蘭姐助陣，臨尾盛智文現身變鬼孩，我本來睇到好沉重，突然…原諒我笑了！

（膽小慎入）一齊睇哈囉喂2018屍營醫院迷離劇：

（影片來源：海洋公園Youtube）

悲劇由一支彩虹螺旋波板糖惹禍，以下圖輯為劇情影片截圖：

深入荒廢醫院（屍營醫院），尋找靈體出沒證據的捉鬼五少年離奇失蹤，我們大無畏採訪查探，上上落落，到了附近先醫肚，救命⋯⋯整盆血淋淋手掌殘肢端來，讓人目定口呆，難道是失蹤少年的殘肢？先冷靜自己不動聲色，唯有先挑戰蒸蛋，一入口，「鮮」味湧出，聽見有人驚呼是腦漿，於是我決定豁出去，揀吃手掌殘支，深呼吸一下，竟然有驚喜，是素菜「殘肢」！一素一「葷」，兩者形態衝突頗有喜感。言歸正傳，以上說笑罷了。

蒸腦漿確實是蒸蛋（紅菜頭蛋白海鮮蒸蛋），而手掌殘支有葷有素共2款，煙肉燒雞卷伴烤菜（天殘掌）及威化紙焗鮮茄雜菜釀燒烤菇（幽靈鬼手）。

按圖睇睇全份殘肢套餐有咩食？

急診哈囉「胃」套餐只在指定日期及時間內供應，想在「鬼域」內吃飽飽才上路，有「全日祭」單點美食，雖然這些日常美食的外表可愛猶勝於驚嚇，但整體感覺較親切及易於想像當中味道，價錢亦較親民。此外，今年聯乘Sanrio卡通：Hello Kitty、Kuromi、XO及梳乎蛋，將可愛的卡通人物大變身，化成小惡魔，跳到小食、主菜及甜品上搞怪賣萌，主攻少女及小朋友市場。

按圖有「全日祭」單點美食、Sanrio「HELLO-ween」套餐和蛋糕甜品及價錢（供應地點：園內食肆，日期：2018年9月19日至11月4日）：

打造「驚慄」美食和特飲的幕後總廚于浩斌，每年均幫哈囉喂活動中的主題鬼屋，呈現震撼眼球的血腥西餐，往年的《恐懼鬥室》，他反覆觀看影片，雖未至於發惡夢，不過他已大感震慄。今年于師傅為《屍營醫院》設計「急診 哈囉『胃』」套餐，靈感來自他下廚工作上，不免弄傷流血，需要到醫院縫針，由此生出套餐中的各項食物造型，由構思到成品籌備了兩個多月，連手術盤也揀了好幾款，向專門供應醫療機構的公司訂貨，剪刀、棉花棒等，則刻意拿真品繪圖，然後倒模做朱古力，花上了非凡的心思。

海洋公園「哈囉喂全日祭2018」
日期：10月5日至31日
餐點供應地方：海洋冰室、冰極餐廳、熊貓薈、水都餅店及各園內食肆
供應日期：9月19日-11月4日