【世界盃】新界睇波　球類主題餐廳食酒店級和牛漢堡菠蘿包

住九龍，可以去太子、旺角的酒吧睇波；住港島，可以去灣仔、中環的餐廳睇波；問題來了，住新界可以去哪裡睇波呢？
攝影：黃子卓

天水圍一直都給人一種冷清感覺，但原來有間球類主題新餐廳，竟然於酒店內悄悄地開張，餐廳更設多部43吋高清電視直播各項世界級大型運動賽事，食住酒店級美食睇世界盃完全冇難度。餐廳環境以至菜式設計都用籃球、足球、網球和欖球作為靈感，甫踏入餐廳，已見到無論牆壁或是天花板都掛滿不同的球類相關裝飾，例如籃球架、球拍、球衣等。不過，餐廳雖然有多部電視直播運動賽事，但世界盃期間並不會播足64場，而是只播放viutv的直播賽事，有點可惜。

按圖看更多餐廳環境：

入座後，先送上一籃蒜蓉包，蒜蓉味道很香，不過稍嫌焗得不夠脆；餐牌菜式選擇也算多，如果你喜歡拍照打卡的話，可以叫忌廉蘑菇湯，因為餐廳特意配合主題找來了足球和籃球造型的湯碗，非常有心思，不過吃的時間湯羹經常碰到「籃球網」，吃得有點不方便。

最推薦的莫過於和牛芝士港式菠蘿包漢堡伴薯條，配搭創新，卻意想不到地好吃，兩塊菠蘿包夾著和牛漢堡扒及芝士片，另可按喜好決定加不加番茄、洋蔥、酸瓜等伴碟。菠蘿包份量頗大，絕對能滿足食肉獸，而且包的甜味中和了和牛漢堡扒的油膩感，吃完也不會太飽滯，夜晚睇住波吃也不怕頂胃，加上伴碟薯條香脆惹味，而且是口感粉糯的厚切薯條，實在是睇波必食的良品。

【世界盃】香港01全力策動　區區有波睇！　免費睇波兼有禮物包

按圖看更多餐廳招牌菜：

另外也推介法式低溫烤乳豬，大廚用改良版的法式傳統烤羊調味方法醃製乳豬，低溫慢煮8小時後，再以高溫烤製，製作過程花心機又花時間，但也因此做到外皮脆口，肉質嫩滑多汁的效果。在家睇波時，總愛吃杯麵公仔麵，這裡雖然並未提供這些麵食，但就可以試試西班牙XO醬海鮮扁意粉，XO醬可以用來炒公仔麵，當然也可以用來煮意粉，扁意粉沾上微鹹微辣的XO醬想不到又挺惹味。

The Platter
地址：天水圍天秀路8號悦品天秀酒店．元朗4樓
電話：3583 6128

《香港01》App，為你送上最新飲食情報、各式食譜、健康資訊
立即下載：https://hk01.onelink.me/FraY/hk01app