罐頭鮑魚煮法｜海味老闆2招揀罐頭鮑別買這1款！煮幾耐快腍有秘訣

罐頭鮑魚｜大時大節想食得豪氣一點，不少人都會買鮑魚加餸。罐頭鮑魚處理簡單，比起需要預先浸發再燜煮的乾鮑魚，較為方便。記者曾請教在荃灣經營海味店多年的黃紹龍（龍哥），在挑選及處理罐頭鮑魚的時候，有什麼要注意的地方？
攝影：韓詠儀

怎樣揀選合心水的罐頭鮑魚？龍哥有以下貼士教大家。

揀鮑魚貼士1：睇產地

南非鮑：
南非出產的鮑魚品質高，價錢合理，而且重量足，且鮑魚只浸在鹽水中，不加防腐劑，保持原味。另外，龍哥稱墨西哥車輪鮑是出名的佳品，但價錢較高。

澳洲、紐西蘭罐頭鮑魚：
價錢比較大眾化，不過留意鮑魚會合理地加了防腐劑，不夠原汁原味。
內地罐頭鮑魚：
想價錢較便宜，市面上亦有內地的罐頭鮑魚可選擇。

不過，龍哥亦提醒，有一些國內製造的亦會稱自己做南非鮑，為免被騙，最好到信譽良好的店舖購買，確保品質。

根據現時安記的價格，墨西哥車輪鮑1至2頭裝，零售價為$1,250；澳洲一品鮑1至2頭裝，零售價為$268，價錢可相差接近6倍！

揀鮑魚貼士2：睇頭數

每一罐罐頭鮑魚上都有一個數字，例如4頭、8頭、19頭，這個數字代表罐頭內完整鮑魚的數量，例如4頭便是4隻鮑魚。這數字跟乾鮑魚一樣，罐頭鮑魚的頭數愈少，價錢愈貴。
不過，此頭數的計法與乾鮑魚卻稍有差別：乾鮑魚是以「一斤內有幾多隻」作為計算方法；而罐頭鮑魚則以「一罐內有幾多隻」作計算，而標準的罐頭鮑魚每罐大約重16盎士。

帶醬汁的罐頭鮑魚不好？

市面上除了清湯鮑魚罐頭，還有紅燒鮑魚、鮑汁鮑魚罐頭等，龍哥表示，帶醬汁的罐頭鮑魚其實不好，很多時間是因為鮑魚有瑕疵，所以用深色的醬汁遮掩。如想煮醬汁，可以用罐頭裏面的水，加入少許蠔油、生粉煮成芡汁便可以。

罐頭鮑魚烹調及處理的貼士

乾鮑魚：
乾鮑魚味道較濃郁，不過需浸發及煨煮才能食用，較為需時。

煮罐頭鮑魚：
家常做法是把罐頭鮑魚連罐放入沸水中煮。記住不要開洞，水量亦要蓋過罐頭，不然整罐鮑魚就會變得又韌又硬。酒樓的做法是整批鮑魚蒸1至3小時，所以在酒樓吃的鮑魚特別軟滑。

4頭以上的鮑魚：
需煮約半小時到1小時，令鮑魚變得更軟，稍稍降溫後便可開罐。要是一般27頭、19頭的小鮑魚，開罐後便可即食。4頭或以上的鮑魚，煮軟後便可完隻上碟。用罐頭內的鹽水，加一點蠔油煮成芡汁便可。

罐頭鮑魚儲存方法

罐頭鮑魚可存儲在陰涼、乾燥的地方，開封後必須放在雪櫃儲存，並盡快食用。

同場加映，【鮑魚冬菇燜雞食譜】簡易賀年宴客菜　罐頭鮑魚煮得軟腍3秘訣！

龍記海味鮑參翅肚專門店地址：港荃灣福來村永泰樓5號地下