甯漢豪爆女兒追星林俊傑追到英國 那些年自己追温拿|政壇諸事町

發展局局長甯漢豪今日(29日)出席在浸會大學舉行的「永不放棄同學會及永不放棄同學仔 2023 畢業禮」,提到「永不放棄的人」時,就爆20多歲的女兒是新加坡男歌手JJ林俊傑的粉絲,五場香港演唱會都去看,最近女兒更說要去英國看JJ演唱會,「哈~~~~媽咪唔會資助你,你自己畀錢。」
雖已是Auntie級,其實那些年她也有追星,當時是追温拿樂隊,「就嚟有(演唱會)啦,我可以去睇!」她話題一轉,提醒已追到的人,也不要太易放棄,提醒要珍惜身邊家人朋友,並強調更重要的是不要放棄自己。


甯漢豪認為「永不放棄」可以分為兩個層面,一個是「永不放棄的事物」,另一個是「永不放棄的人」。而兩個層面可以再細分成「未得到」和「已擁有」兩個方向,她即問在座各位同學,有否想追的人、永不放棄?
之後轉問追星問題,主動提及女兒追星,「近日佢追星行為,好令我感受到咩叫佢未爭取到,永不放棄去追,點都希望見到嗰個星。」原來女兒是林俊傑粉絲,對他演唱會十分捧場,「其實佢都好辛勞賺錢呀,一個年輕人出嚟做嘢,但係佢居然捨得五場演唱會、五場都去」,但這只不過是上集。
甯漢豪再講下集,「然之後有一日,佢話我聽『媽咪我要去英國啦』,我以為佢去英國旅行、觀光、遊學,好似大家咁樣學嘢,係咪?(佢話)『唔係呀,JJ去英國,喺倫敦開演唱會,我要過去呀!』」,她大感意外,「哈~~~~媽咪唔會資助你,你自己畀錢。咁佢真係自己人工度攞出嚟,都去追,求不放棄!」
甯漢豪說當時反問自己,「有冇啲我追唔到嘅人,我要去追佢呢?我想追嘅人已追到,依家係我先生!」獲得一片掌聲。不過她承認年輕時,都與時下少女一樣追星,「我呢啲Auntie級,梗係唔係JJ啦,我追嘅係温拿(樂隊),就嚟有(演唱會)啦,我可以去睇!」
甯漢豪也分享她「未得到」的,如工作上的增加土地供應,令市民有宜居的生活;她更希望學好日文,現時每個月會抽時間到老師家中上課。
至於「已擁有」的,她透露女兒兒時可愛的幾件衣服,或她尊敬的長輩逝世後遺留的衣服,都會「死攬住唔放」,作為一種懷念。
她又指其辦公室桌上擺滿資料文件,無奈笑言:「我滿枱都係嘢,連一個做嘢嘅窿窿都冇,枱好大,但係一個窿仔去做嘢都冇。」
她解釋因擔心無法回答記者提問或到出席立法會時忘記內容,故不願「放下」成堆的資料。不過她說,有人提醒她要有創新思維,需要拋開腦海或手中的資料,以騰出空間去吸收新知識,「放棄呢四個字,我會覺得都要分一分嘅,有陣時係要永不放棄,有陣時係要放棄嘅。」
