美領事買兩餸飯　與網民交流點嗌餸：This This Rice｜政壇諸事町

來港一個多月的美國駐港澳總領事梅儒瑞（Gregory May），經常大展親民作風，今次他光顧近年盛行的兩餸飯店，並上載相片至facebook，稱「終於搵咗個機會同香港上班族一齊排隊去嗌個嚟做lunch」。他大讚兩餸飯價格實惠又好味，仲問網民：「你哋必揀嘅餸又係咩呢？」

食臘味芥蘭、薯仔雞

梅儒瑞此舉獲網民大讚貼地，網民都關注他如何點餐，會否向著店員「this，this，this」呢？美領事館未有透露，不過從相片所見，梅儒瑞用手指逐項指出想點的餸菜，美領事館亦在帖文上加上「this this rice」的標籤，緊貼網上熱話。

有網民建議梅儒瑞試食咕嚕肉和肉餅，美領事館都有留言感謝網民推介，後來「開估」話梅儒瑞買了臘味芥蘭和薯仔雞。網民對於揀這兩款餸讚不絕口，有人話無揀「Sweet & Sour Spareribs」（糖醋排骨）「果然融入香港」。